سەرۆكایەتی یەكێتی:پەسەندكردنی بودجە ببێتە مایەی باشتركردن ژیانی خەڵكی كوردستان
ی.ن.ک 01:07 PM - 2021-04-01.
سەرۆكایەتی یەكێتی بەبۆنەی پەسەندكردنی یاسای بودجە پەیامێكی بڵاوكردەوەو رایدەگەیەنێت: پەسەندكرنی بودجەكە سەرەتایەكی گرنگە بۆ كۆتاییهێنان بەناكۆكییەكان و خەڵكی كوردستان ماندووی ساڵانێكی پڕ لەناسەقامگیری ئابوورییەو چاویان لەداهاتوویەكە كە تێیدا مافە دەستووری و شایستە داراییەكانیان پارێزراوبێت و دۆخێكی جێگیری بژێوییان هەبێت.
دەقی پەیامەكە:
پیرۆزبایی لەگەلی عیراق و كۆمەڵانی خەڵكی كوردستان دەكەین بەبۆنەی پەسەندكردنی پرۆژە یاسای بودجەی عێراق بۆ ساڵی ٢٠٢١.
پەسەندكرنی بودجەكە سەرەتایەكی گرنگە بۆ كۆتاییهێنان بەناكۆكییەكان و هاندەرێكیش دەبێت بۆ چارەسەركردنی كێشەكانی تر و نزیكبوونەوە و كاری هاوبەشی حكومەتی هەرێم و حكومەتی فیدراڵ، هیوادارین پەسەندكردنی بودجە ببێتە مایەی باشتركردن دۆخی دارایی و ئابووری عیراق و چاككردنی گوزەرانی خەڵكی كوردستان و ژیانێكی باشتر و ئارامتریان هەبێت.
پەسەندكردنی پرۆژە یاسای بودجە بۆ هەموولایەكی روونكردەوە كە كاری هاوبەش و دانوستان زۆر لە گرژی و پێكدادان زیاتر خزمەت بەدزۆی رەوای گەلەكەمان دەكات. خەڵكی كوردستان ماندووی ساڵانێكی پڕ لەناسەقامگیری ئابوورییەو چاویان لەداهاتوویەكە كە تێیدا مافە دەستووری و شایستە داراییەكانیان پارێزراوبێت و دۆخێكی جێگیری بژێوییان هەبێت.
سوپاسی هەموو ئەو هێز و لایەنانە دەكەین كە پشتگیریان كردین و هاوكارمان بوون بۆ گەیشتن بەم قۆناغە گرنگە، سوپاسی دۆست و خەمخۆرە عیراقییەكان دەكەین و هیوادارین ئەمە ببێتە بناغەیەك بۆ لێكتێگەیشتنی زیاتر و چارەسەركردنی سەرجەم كێشە هەڵپەسێردراوەكانی تر.
دەستخۆشی لەتیمی دانوستانكاری حكومەتی هەرێمی كوردستان دەكەین بە سەرۆكایەتی هەڤاڵ قوباد تاڵەبانی بۆ هەوڵی بەردەوام و كۆششی بێوچانیان بۆ گەیشتن بە ئەنجام لە دانوستاندنەكان. رۆڵی گرنگ و مێژوویی ئەوان لەبیرناكەین و نموونەی دانوستانكاری سەركەوتوو و ماندوونەناس بوون.
دەستخۆشی لە فراكسیۆنە كوردستانییەكان دەكەین بە تایبەت فراكسیۆنی یەكێتی بۆ خەمخۆری و ماندوبوونیان لە پێناو سەقامگیری ئابووری عیراق و خزمەتكردنی كۆمەڵانی خەڵكی كوردستان.
یەكێتیی نیشتمانیی كوردستان درێغی نەكرد لە شەونخونی و هەوڵی بێوچان بۆ كردنەوەی گرێكوێرەكان و دۆزینەوەی دەرچەی رزگاربوون لەو قۆناغە سەختە. لە پێناو بەرژەوەندی گشتی و كۆمەڵانی خەڵكیشدا بەرگەی هەموو توانج و هەڵمەتە ناڕەواكانی گرت.
ئەم سەركەوتنەش وەڵامە بۆ هەموو ئەو گومان و تۆمەتانەی كە ئاڕاستەی كراوە لە بەرامبەر رۆڵی مێژویی و بنەڕەتی یەكێتی و سەنگ و پێگەی لە نەخشەی سیاسی عیراق و كوردستاندا.
ئێمە لە سەرۆكایەتی یەكێتیی نیشتمانیی كوردستان بەڵێن دووپات دەكەینەوە لە داهاتوودا هەموو پێگە و دیبلۆماسیەتی خۆمان بخەینە خزمەتی چارەسەركردنی كێشە هەلپەسێردراوەكانیترەوە لەگەڵ حكومەتی فیدراڵ، لەپێناو بەدیهاتنی داوا رەواكانی گەلی كوردستان و دابینكردنی ماف و شایستەییەكانی.
سەرۆكایەتیی یەكێتیی نیشتمانیی كوردستان
PUKmedia
هەواڵی زیاتر
-
سەرۆک بافڵ بەشداری پرسەی هەڤاڵ عەلی شامار تێکۆشەری دێرین دەکات
07:37 PM - 2024-04-23 -
کوردێک دەبێتە بەڕێوەبەری بەڕێوەبەرایەتیی وەبەرهێنانی سەلاحەدین
04:11 PM - 2024-04-23 -
فەرماندەی هێزەکانی ئەڵمانیا لەسەر مەزاری مام کۆتایی بە ئەرکەکەی هێنا
12:02 PM - 2024-04-23 -
لێپرسراوی نوێی مەڵبەندی چەمچەماڵی یەکێتی دەستبەکار دەبێت
10:52 AM - 2024-04-23
ئەمانەش ببینە
PUKMEDIA بهشێك لهگفتوگۆكانی كۆبوونهوهی سودانی و بلینكن بڵاودهكاتهوه
03:28 PM - 2024-04-23
قوباد تاڵەبانی داوای لابردنی گەمارۆی سەر فڕۆکەخانەی سلێمانی دەکات
11:33 AM - 2024-04-23
ئەمڕۆ خەڵاتی زێرینی بلە دابەشدەکرێت
09:29 AM - 2024-04-23
سەرۆککۆماری عیراق و تورکیا: کێشەکان بە دیالۆگ چارەسەربکرێن
03:19 PM - 2024-04-22
زۆرترین خوێنراو
-
PUKMEDIA بهشێك لهگفتوگۆكانی كۆبوونهوهی سودانی و بلینكن بڵاودهكاتهوه
کوردستان 03:28 PM - 2024-04-23 -
فەرماندەی هێزەکانی ئەڵمانیا لەسەر مەزاری مام کۆتایی بە ئەرکەکەی هێنا
کوردستان 12:02 PM - 2024-04-23 -
قوباد تاڵەبانی داوای لابردنی گەمارۆی سەر فڕۆکەخانەی سلێمانی دەکات
کوردستان 11:33 AM - 2024-04-23 -
لێپرسراوی نوێی مەڵبەندی چەمچەماڵی یەکێتی دەستبەکار دەبێت
ی ن ک 10:52 AM - 2024-04-23 -
ئەمڕۆ خەڵاتی زێرینی بلە دابەشدەکرێت
کوردستان 09:29 AM - 2024-04-23 -
سەرۆککۆماری تورکیا سەردانی ھەولێری کرد
کوردستان 10:28 PM - 2024-04-22 -
قەبارەی ئاڵوگۆڕی بازرگانی نێوان عیراق و تورکیا بەرزدەبێتەوە
عیراق 09:50 PM - 2024-04-22 -
دارا خەیلانی: یەکێتی پابەندە بە هەڵبژاردنی پەرلەمان لەوادەی خۆیدا
کوردستان 08:40 PM - 2024-04-22