رێكه‌فتنا هه‌رێمێ دگه‌ل به‌غدا بویه‌ جهێ دل خوشیا خه‌لكێ هه‌رێمێ

.

پشتی سه‌ردان وكومبونێن به‌ردوام ێن وفدێ هه‌رێما كوردستانێ ب سه‌روكاتیا قوباد تاله‌بانی ،جێگرێ سه‌روكێ حكومه‌تا هه‌رێمێ بو به‌غدا شه‌ڤا بوری یاسا بودجا گشتی یا عیراقێ بو سالا 2021 ل په‌رله‌مانێ عیراقێ هاته‌ په‌سه‌ندن و مادا 11 ژ ڤێ یاسایێ گرێدای پشكا هه‌رێمێ ژ بودجا گشتی ، بویه‌ جهێ دل خوشیا هاوه‌لاتیان ل هه‌ریمێ.

ماموستا یێ زانكویێ و ئابورناس دكتور هاشم زیباری ، تایبه‌ت بو  PUKmedia گوت: پینگاڤه‌كا گه‌له‌ك باش بویه‌ و مژده‌یه‌ك بویه‌ بو خه‌لكێ هه‌رێما كوردستانێ تایبه‌ت ته‌خا فه‌رمانبه‌ران هه‌ر جنه‌بیت موچه‌یێ فه‌رمانبه‌را دێ دمێ خودا وبێ لێبرین دهێته‌ دابه‌شكرن.

باشی دكتور هاشم زیباری به‌حسێ و رده‌كارێن ڤێ رێكه‌فتنێ كرن دا دنافبه‌را وفدێ هه‌رێمێ و به‌غدا ژلایێ ئابوری ڤه‌ وگوت دڤێت ژنها پێڤه‌ هه‌رێم پابه‌ندی رێكه‌فتنێ بیت و ئه‌و رێژا نه‌فتا ده‌ست نیشانكر بهایێ وێ راده‌ستی كومپانیا سمو بكه‌ت ونیڤا داهاتێ نافخو راده‌ستی حكومه‌تاعیراقی بكه‌ت هه‌یڤانه‌ داكو به‌غدا ژی پشكا هه‌رێمی كو دبیته‌ رێژا  13.9 ژ سه‌دێ یه‌ كودبنه‌  9 ترلیون 581 ملیار و 718 ملیون دینارا بو هه‌رێمێ ڤریبكه‌ت كو دبنه‌ 798 ملیار هه‌یڤانه‌ بو هه‌رێمێ بهێنه‌ هنارتن و ب ڤێ رێكه‌فتنێ هه‌ریمێ ڤیایه‌ سه‌روه‌ریا خو ل سه‌ر هنارتن وفروتنا نه‌فتێ ب سه‌لمینیت دبه‌رامبه‌ر دا ل سه‌ر هه‌می مه‌رجێن به‌غدا رازیبوو .

PUKmedia به‌یار ئامێدی