بۆ پەسەندكردنی بودجە پەرلەمانتاران چاوەڕێی لیژنەی دارایی دەكەن

.

بۆ دەستپێكردنی كۆبوونەوەی پەسەندكردنی پرۆژە یاسای بودجەی 2021 چاوەڕێی لیژنەی دارایی پەرلەمان دەكات كە لەكۆبوونەوەدان.

سەرچاوەیەكی پەرلەمانی  بە PUKmediaی راگەیاند: لەئێستادا دەستەی سەرۆكایەتی و پەرلەمانتاران گەیشتونەتە هۆڵی پەرلەمان و چاوەڕوانی لیژنەی دارایی دەكەن كە لەكۆبوونەوەدان تا ئەوانیش بێنە ناو هۆڵی پەرلەمان و كۆبوونەوەكە بۆ پەسەندنی ماددەو بڕگەكانی پرۆژە یاسای بودجەی 2021ی عیراق دەستپێبكات.

وتیشی: لەناو هۆڵی پەرلەمان، ژمارەی یاسای پەرلەمانتاران ئامادەن و بەگەیشتنی لیژنەی دارایی هیچ كێشەیەك بۆ دەستپێكردنی كۆبوونەوەكە نابێت.

شەوی رابردوو دەستەی سەرۆكایەتی ئەنجومەنی نوێنەرانی عیراق سەرجەم فراكسیۆن و پەرلەمانتارانی ئاگاداركردەوە كە هەر كەسێك بەشداری كۆبوونەوەكەی ئەمڕۆ كە تایبەتە بەپەسەندكردنی پرۆژە یاسای بودجە نەكات ناوەكەی بڵاودەكرێتەوە.

PUKmedia تایبەت