چالاكییه‌ ئه‌ده‌بییه‌كانی هه‌فته‌ی ڕۆشنبیری سلێمانی كۆتایی هات

.

له‌كۆتا رۆژی كارو چالاكییه‌كانی هه‌فته‌ی رۆشنبیری سلێمانیدا، ئێواره‌ی دوێنێ 29-3-2021،  له‌هۆڵی چێوار له‌ ته‌لاری هونه‌ر مه‌راسیمێك به‌ڕێوه‌چوو.

سه‌ره‌تای مه‌راسیمه‌كه‌ به‌ وه‌ستانی ساتێك بۆ گیانی پاكی شه‌هیدان ده‌ستیپێكرد، دواتر فیلمێكی دیكۆمێنتاری له‌سه‌ر بنكه‌ی ئه‌ده‌بیی و روناكبیریی گه‌لاوێژ و شاری سلێمانی نمایشكرا.

دواتر له‌ كۆڕێكدا به‌ناونیشانی (كۆڕی شیعری نیشتیمانیی و نه‌ته‌وه‌یی له‌ئه‌ده‌بی كوردیدا ) ئه‌م سێ بابه‌ته‌ پێشكه‌شكران :

 ⁃ ئه‌ده‌بی كوردی و په‌یامی رامیاری له‌پێناو پرسی  نه‌ته‌وه‌یدا بۆ د. هۆگر شێخ مه‌حمود .  
 ⁃ بۆچی هه‌ستی نیشتمانی و نه‌ته‌وه‌یی لای شاعیری ئه‌م نه‌وه‌یه‌ نییه‌ ، بۆ شاعیر پشتیوان هه‌ڵه‌بجه‌یی .
 ⁃ ریشاڵه‌كانی بیری نیشتیمانی و نه‌ته‌وه‌یی له‌شیعری كوردیدا بۆ ئه‌یوب كوێخا رۆسته‌م . له‌كۆتایی مه‌راسیمه‌كه‌شدا خه‌ڵاتی رێزلێنانی وه‌زاره‌تی ڕۆشنبیریی پێشكه‌ش به‌ به‌شداربووانی كۆڕه‌كه‌ كرا. شایه‌نی باسه‌  هه‌فته‌ی رۆشنبیریی سلێمانیی له‌ رۆژی ٢٥ی ئازاره‌وه‌ ده‌ستیپێكردووه‌و سبه‌ێنێ ٣١ی ئازار به‌ نمایشكردنی شانۆیی ( كه‌سێك نییه‌ باوه‌شێكم پیابكات) كه‌ ده‌قی گه‌زیزه‌ عومه‌ر -ه‌ و سه‌عات ٤:٣٠ ده‌قه‌ی پاشنیوه‌ڕۆ له‌ هۆڵی په‌یمانگه‌ی هونه‌ره‌ جوانه‌كان نمایش ده‌كرێت، هه‌فته‌ی ڕۆشنبیریی سلێمانیی كۆتایی پێدێت.

PUKmedia ڤینۆس تۆفیق