ڕۆژێك ژنێك ئه‌سوتێنرێت......
ڕۆژێك ژنێك ده‌سترێژی ده‌كرێته‌سه‌ر.....
ڕۆژێك ژنێك ئه‌كوژرێت.....

ڕۆژانه‌ چه‌ندین حاڵه‌تی له‌م جۆرانه‌ ده‌بیستین

 به‌ڵام ئایا  كه‌سانی تومه‌تبار چیان لێدێت؟

كوا مافی مرۆڤ؟

 ماوه‌ی  چه‌ند ڕۆژێك سۆشیال میدیاكان به‌رنامه‌ و ڕاپۆرته‌كانیان به‌وانه‌ پڕده‌كه‌نه‌وه‌ و ته‌واو ئه‌وبابه‌ته‌ داده‌خرێت.
 ئه‌ی ئه‌وڕێكخراوانه‌ی به‌ناو باسی توندوتیژی دژی ژنان ده‌كه‌ن  ئه‌ی وان چیده‌كه‌ن  ته‌نها له‌وكاته‌دا بیریان ده‌كه‌وێته‌وه‌ به‌یاننامه‌یه‌ك بنووسن و  له‌ كۆنگره‌یه‌كی ڕۆژنامه‌وانیدا ڕایبگه‌یه‌نن و جا بێجگه‌ی له‌وه‌ی له‌ناو خۆیانه‌ ناكۆكی ئه‌وه‌یانه‌ كامیان  به‌یاننامه‌كه‌ بخوێننه‌وه‌ و ده‌ركه‌ون  له‌مه‌ زیاتر چی ده‌كرێت.
 ئایا هیچ ڕێكخراوێك تا كۆتایی كێشه‌كه‌  به‌دواداچوون ده‌كات تا نكۆڵی بكات له‌ ده‌ستگیركردنی كه‌سی تاوانبار ؟؟
بێگومان نه‌خێر چونكه‌ ئه‌گه‌ر ئه‌وبه‌دواداچوونه‌  بكرێت ئه‌م تاوانه‌ قێزه‌ونانه‌ ئه‌وه‌نده‌ زۆر نابێت.

 بۆیه‌ ئێستا ئه‌وكه‌سه‌ی تاوانێك ئه‌نجامده‌دات به‌سوڵحێكی عه‌شایه‌ری تاوانه‌كه‌ ئه‌خه‌نه‌ پاڵ كه‌سێكی  خوار ته‌مه‌نی 18ساڵ  له‌به‌ر ئه‌وه‌ی مناڵه‌ و به‌حساب قانوونی قورس نایگرێته‌وه‌؟
ئه‌گه‌ر كه‌سێك له‌سه‌رئه‌و تاوانه‌ی ئه‌نجامی داوه‌ سزابدرێت بێ واسته‌ و  ئه‌ملاو ئه‌ولا..
 ئه‌وه‌ كه‌س بوێری ئه‌وه‌ی تیانییه‌ ئه‌سڵه‌ن بیر له‌كارێكی له‌وشێوانه‌ بكاته‌وه‌.
به‌ڵام مه‌خابن ڕۆژ به‌ڕۆژ  ڕووداوی توندوتیژی ژنان ڕوو له‌زیادبوونه‌ له‌سه‌رئه‌م هه‌موو ڕێكخراو چالاكوانانه‌ی بواری ژناندا.
ئه‌وه‌ی ئه‌مڕۆ له‌هه‌ولێر ڕوویدا له‌سه‌ر هه‌رهۆكارێك بێت پێچه‌وانه‌ی مافی مرۆڤه‌،هیوادارین دادگا ڕێكاره‌ یاساییه‌كان بگرێته‌ به‌ر تاوان بار سزای خۆی وه‌رگرێ .

PUKmedia تاڤان سه‌ركه‌وت