بودجه‌ ئه‌نجومه‌نی نوێنه‌ران كۆده‌كاته‌وه‌

.

بڕیاره‌ ئه‌مڕۆ ئه‌نجومه‌نی نوێنه‌ران بۆ ده‌نگدان له‌سه‌ر پرۆژه‌ یاسای بودجه‌ی گشتی عیراق بۆ ساڵی 2021 كۆببێته‌وه‌.

له‌و باره‌یه‌وه‌ شیروان میرزا ئه‌ندامی لیژنه‌ی دارایی له‌ ئه‌نجومه‌نی نوێنه‌رانی عیراق به‌ PUKmedia ی راگه‌یاند: بڕیاره‌ دوانیوه‌ڕۆی ئه‌مڕۆ یه‌كشه‌ممه‌ ئه‌نجومه‌نی نوێنه‌ران بۆ ده‌نگدان له‌سه‌ر پرۆژه‌ یاسای بودجه‌ كۆببێته‌وه‌.

وتیشی: پێش كۆبوونه‌وه‌ی ئه‌نجومه‌ن، محه‌مه‌د حه‌لبوسی سه‌رۆكی ئه‌نجومه‌نی نوێنه‌ران له‌گه‌ڵ سه‌رۆكی كوتله‌كان كۆده‌بێته‌وه‌و پاشان بڕیار له‌كۆبوونه‌وه‌ی ئه‌نجومه‌ن له‌سه‌ر بودجه‌ ده‌درێت.

به‌پێی زانیارییه‌كانی PUKmedia ، به‌شێكی زۆری ناكۆكییه‌كانی نێوان لایه‌نه‌كان له‌سه‌ر بودجه‌ به‌پشكی هه‌رێمی كوردستانیشه‌وه‌ چاره‌سه‌ر كراوه‌و چاوه‌ڕوان ده‌كرێت له‌دوو رۆژی داهاتوودا پرۆژه‌كه‌ له‌ئه‌نجومه‌نی نوێنه‌ران تێپه‌ڕێنرێت.

PUKmedia تایبه‌ت