خانووه دێرینهكانی ههولێر بهرهو لهناوچوون دهچن
شوێنەوار 02:46 PM - 2021-03-27.
جگه لهقهڵای ههولێر ههرسێ گهڕهكی (خانهقا و عهرهبان و تهعجیل) بهسێ كۆنترین گهڕهكی شارهكه دادهندرێن، لهكاتی ئێستا جگه له چهند خێزانێكی كهم ئاوهدانی تێدا زۆر كهمبوهتهوه، ئهویش دوای بڕیاری خۆماڵه (استملاك) كردنی لهلایهن حكومهتی ههرێمی كوردستانهوه، ئێستاش دوای تێپهڕبوونی ههشت ساڵ بهسهر بڕیارهكهی حكومهت، تاكو ئێستا ژیان لهو سێ گهڕهكه ئاسایی نهبوهتهوه، هاوكات نهبوهته شوێنكی كهلتوری و هیچ كارێكی نۆژهنكردنهوهشی تێدا ئهنجامنهدراوه.
بهشێك له دانیشتوانی ئهو گهڕهكانه داوا دهكهن ئهو گهڕهكانه بكرێنه شوێنهوار هاوشێوهی سهر قهڵای ههولێر، تاكو سیما و تایبهتمهندی شارهكه بپارێزرێت، یان لهسهر شێوازی كۆن نۆژهبكرێتهوه و ژیان تێیدا بهردهوام بێت، بهو پێیهی مانهوهی بهشێوهی ئێستا خاونوهكان بهرهو رمان و لهناوچوون دهچن، هاوكات ژیان و گوزارهنی تێدا زهحمهت تر بێت.
نهجات مهحهمهد وهك دانیشتوی گهڕهكی تهعجیل كه ماوهی 70ساڵه لهو گهڕهكه دهژی باس لهوه دهكات ئهوان وهك خاوهن خاوهكانی ئهو گهڕهكه داوا دهكهن رێگایان پێبدرێت خانوهكانیان نۆژهبكهنهوه، بهڵام رێگایان پێنادرێت و تاكو ئێستا وهك خۆی ماوهتهوه، ئهمهش وایكردوه ژیان له گهڕهكه زهحمهت بێت، كهبههۆی نهبوونی خزمهتگوزاری پێویست و كۆنی خانوهكان كه تارادهیهك ئاستهنگی هاتوچۆی ههیه، زۆربهی دانیشتوانهكهی ئهو گهڕهكهیان جێهێشتوه.
ههروهها باس لهوه دهكهن گهڕهكی تهعجیل بههۆی ئهوهی كهوتۆته ناو سهنتهری شار ههوڵێك ههیه بۆ ئهوهی بكرێته شوێنی بازرگانی هاوشێوی بازاڕی نیشتمان، ئهمهش لهكاتێكدا خهڵكی ههولێر دهخوازن پارێزگاری له ئهو گهڕهكه كۆنانه و سیمای كۆنی شاری ههولێر بكرێت.
حهسهن ئهحمهد هاووڵاتیهكی دیكهیه له گهڕهكی خانهقا لهبارهی مانهوهی گهڕهكهیان بهو جۆره بۆ PUKmedia وتی: بههۆی نهبوونی ئاوهدانی لهگهڕهكێكی وهك خانهقا خهریكه سیما ئهو گهڕهكه دێرینه تێكدهچێت و وهك كهلاوهیان لێهاتوه، بهشێكی زۆری خانوهكان بۆ كۆگای بازرگانی و پاركی وهستای ئۆتۆمبێل بهكار دێت، ئهمهش كاریگهری لهسهر سیمای قهڵا و مێژووی ئهو گهڕهكه ههولێر بهگشتی دروستكردووه.
ئهو هاووڵاتییه وتیشی: دهبوو لهگهڵ نۆژهنكردنهوهی قهڵای ههولێر گهڕهكه كۆنهكانیش نۆژهن بكرێنهوه، یانیش ژیانی خهڵكهی بهردهوام بوایه تا ئهو كاتهی دهست به نۆژهنكردنهوهی دهكرێت، بهڵام كه دهبینین ئهو سێ گهڕهكه كۆنانه كهوتۆته ناو سهنتهری شار و چواردهوری ههموو دوكان و شوێنی بازڕگانیه بهدووری دهزانین وهك گهڕهكێكی كهلتوری بپارێزرێت، چونكه هاتوچۆیهكی رۆژانهی زۆری لهسهره، لهجیاتی ئهوه دهكرا لهسهر شێوازی كۆن نۆژهن بكرێتهوه و ژیان تێیدا بهردهوام بێت.
كێشهیهكی تری ئهو گهڕهكانه ئهوهیه وهك بهشێك لهخاوهن موڵهكان ئاماژهی بۆ دهكهن لهكاتی قهرهبووكردنهوهیان رهوانهی دهرهوهی شار دهكرێن، ئهمهش لهكاتێكدا ئهوان لهسهنتهری شار ژیاون بههیچ جۆرێك ناتوانن لهو شوێنانه بژین.
عهبدولهرزاق عهبدوڵڵا وهك كهسێكی بهتهمهن لهشاری ههولێر رهخنه لهههندێك بڕیاری حكومهت دهگرێت لهوهی بۆ قهرهبوكردنهوهی خهڵكی رهسهنی شارهكه كه پشتاوپشت لهسهنتهری شار ژیاون كهچی زهویان لهدهرهوهی شار پێدهدرێتهوه وهك قهرهبوكردنهوه، ئهمهش وایكردوه بهشێك لهخاوهن موڵكهكان ئامادهنهبن خانوهكانیان بۆ حكومهت خۆماڵه(استملاك)بكهن و قهرهبوو وهربگرن.
پێشیوابوو له جیاتی بڕیاری چۆڵكردنی ئهو گهڕهكانه له دانیشتوانهكه بڕیاری نۆژهنكردنهوهی بدرێت ئهگهر لهسهر شێوازی كۆنیش بێت، بهڵام مانهوهی بهو جۆره و نهبوونی ئاوهدانی وادهكات گهڕهكهكان زیاتر بهرهو لهناوچون وێرانه بچێت، ئهو كاته لهلایهك كاری نۆژهكردنهوهیان وهك شوێنكێكی كهلتوری زهحمهته، ههروهها بهكهڵكی جارێكی تر گهڕانهوهی ژیان نایهت.
PUKmedia ئا / تهها عهبدوڵڵا.. ههولێر
هەواڵی زیاتر
-
باندێکی بازرگانی ماددەی هۆشبەر دەستگیردەکرێت
01:13 PM - 2024-03-19 -
مەکتەبی رێکخستن رێزلێنان دەبەخشێتە شوان کەریم کابان
12:45 PM - 2024-03-19 -
ئەلینا ڕۆمانەوسکی: ئەمریكا زیاتر لە 18 ملیار دۆلاری بۆ عیراق خەرجكردووە
03:50 PM - 2024-03-18 -
مەکتەبی رێکخستن رێزلێنان دەبەخشێتە PUKMEDIA
03:19 PM - 2024-03-18
ئەمانەش ببینە
یەکێتی دوو لیژنەی گرنگ لەنەینەوا وەردەگرێت
10:59 AM - 2024-03-19
وتەبێژ: یەکێتی پابەندە بە وادەی هەڵبژاردنی پەرلەمان
11:06 PM - 2024-03-18
حەوت رۆژە مووچە لای حکومەت دەستبەسەرەو یهكێتی داوای دابهشكردنی دهكات
04:50 PM - 2024-03-18
تیمی یەكێتی لەحكومەت: داوای دابەشكردنی مووچەمان كردووە
12:58 PM - 2024-03-18
زۆرترین خوێنراو
-
مەکتەبی رێکخستن رێزلێنان دەبەخشێتە شوان کەریم کابان
کوردستان 12:45 PM - 2024-03-19 -
دادگای فیدراڵی تەئکید لەجێبەجێکردنی بڕیارەکانی دەکاتەوە
عیراق 11:58 AM - 2024-03-19 -
یەکێتی دوو لیژنەی گرنگ لەنەینەوا وەردەگرێت
کوردستان 10:59 AM - 2024-03-19 -
وتەبێژ: یەکێتی پابەندە بە وادەی هەڵبژاردنی پەرلەمان
کوردستان 11:06 PM - 2024-03-18 -
حەوت رۆژە مووچە لای حکومەت دەستبەسەرەو یهكێتی داوای دابهشكردنی دهكات
کوردستان 04:50 PM - 2024-03-18 -
ئەلینا ڕۆمانەوسکی: ئەمریكا زیاتر لە 18 ملیار دۆلاری بۆ عیراق خەرجكردووە
کوردستان 03:50 PM - 2024-03-18 -
بۆچی هاوبەشیی ستراتیژیی ئەمریکا و عێراق گرنگە
بیروڕا 03:44 PM - 2024-03-18 -
مەکتەبی رێکخستن رێزلێنان دەبەخشێتە PUKMEDIA
کوردستان 03:19 PM - 2024-03-18