سلێمانی جوانییەكانی نمایش دەكات

.

بە دروشمی ” پایتەختی رۆشنبیریی جوانییەكانی نمایش دەكات” هەفتەی رۆشنبیریی سلێمانی بەردەوامە، و لەو چوارچێوەیەشدا ئێوارەی ئەمڕۆ  ٢٠٢١/٣/٢٦ بە ئامادەبوونی حەمەی حەمە سەعید وەزیری ڕۆشنبیریی ،لە  باخچەی مۆزەخانەی نیشتمانیی ئەمنە سوورەكە  كۆڕیكی شیعریی بۆ شاعیران (كەژاڵ ئەحمەد  و  ئیسماعیل محەمەد ) بەڕێوەچوو . 

لە كۆڕەكەدا گروپێكی میوزیكیی و هونەرمەندی گۆرانیبێژ كەویار بە میوزیك و گۆرانیی یاوەری هەردوو شاعیریان كرد و چەند پارچە میوزیك و گۆرانییەكیان پێشكەش كرد و كەژاڵ ئەحمەد و ئیسماعیل محەمەد یش ژمارەیەكی زۆر لەشیعرەكانیان پێشكەش بە ئامادەبووان كرد . لەكۆتایی كۆڕەكەشدا خەڵاتی رێزلێنانی وەزارەتی ڕۆشنبیریی پێشكەش بە بەشداربووانی كۆڕەكە كرا.

شایەنی باسە چالاكییەكانی هەفتەی ڕۆشنبیریی سلێمانی لە لایەن (وەزارەتی ڕۆشنبیریی و بەڕێوەبەرایەتی گشتیی رۆشنبیریی و هونەری سلێمانی و بەڕێوەبەرایەتی كتێبخانەی گشتیی سلێمانی - بەڕێوەبەرایەتی راگەیاندن و چاپ و بڵاوكردنەوەی سلێمانی)یەوە رێكخراوەو تا رۆژی ٢٠٢١/٣/٣١بەردەوام دەبێت.

PUKmedia ‎ ڤینۆس تۆفیق