لهناوچهی ھهورامان له سنوری پارێزگای ھهڵهبجه چێشتخانهیهكی گهشتیاری خواردنێكی جیاواز بۆ گهشتیاران ئاماده دهكات ئهویش كهباب به گوێز و كهباب به قهزوانه، گهشتیارانیش بهتام و چێژهوه باس لهو خواردنهكه دهكهن.ماوهی چهند ساڵێكه چێشتخانهیهك له وهزهنێی ناوچهی ھهورامان دروستكراوه سهرجهم خواردن و خواردنهوهكان بۆ گهشتیاران ئاماده دهكرێن، جیاواز له خواردنهكانی ترو ئهوهی سهرنجی گهشتیارانی راكێشاوه بۆ ئهو ناوچهیه كهباب بهقهزوان و كهبابه به گوێزه، خاوهنی چێشتخانهكهش باس له خواردنهكه دهكات و دهڵێت، له ھهرێمی كوردستان تهنھا من ئهو خواردنه جیاوازه دروست ده كهم".سامان عهبدولفهتاح خاوهنی چێشتخانهكه به PUKmedia ی راگهیاند" من ھهر ئهوكاتهی كه چێشتخانهكهمان دامهزراند بیرم لهوه كردهوه خواردنێكی جیاواز پێشكهش بهو گهشتیارانه بكهم كه سهردانی ناوچهكهمان دهكهن بۆیه بیرم كردهوه، كهباب به گوێزی ھهورامان و به قهزوان دروست بكهم بۆیه ماوهی چهند ساڵێكه بیرۆكهكهمم جێبهجێ كردو ئێستاش بهردهوامم، ھهروهھا گهشتیارێكی زۆر خواستی لهسهر كهبابهكه ھهیه".وتیشی" سهرهتا قهزوانهكه ناوكهكهی دهردهكهین پاشان به ئاوان دهسكهوان جوان دهیكوتین و گوێزهكهش كه گوێزی باخی خۆمانه كاكڵهكهی دهردهكهین ئهوین جوان دهیكوتین پاشان تێكهش به قیمهو كهبابهكهی دهكهین پاشان دهیخهینه سهر ئاگرو دواتر پێشكهشی میوانهكانی دهكهین ".چێشتخانهكه ھهموو ڕۆژێك لهسهعات 8بهیانی بۆ 10ی شهو كراوهیه و ئێستاش كه وهرزی بهھاره رۆژانه ژمارهیهكی زۆر گهشتیارو میوان روو لهوناوچهیه دهكهن و خواستێكی زۆریان لهسهر كهباب به گوێز و كهباب به قهزوان ھهیه، سامان ئاماژه بۆ ئهوهش دهكات دروستكردنی كهباب به گوێزو كهباب بهقهزوان كارێكی قورسهو كاتی زیاتری دهوێت لهچاو كهبابی ئاسایی، ئهوهشی ئاشكرا كرد كه له وڵاتانی وهك توركیا و ئێران و سوریا گهشتیار سهردانی چێشتخانهكهی ئهوانی كردووه ئهو خواردنه تایبهتهیان خواردووه..ئاماژه بۆ ئهوهشدهكات" گهشتیاران لهشارهكانی ھهرێمی كوردستان و خوار و ناوهراستی عێراق و تهنانهت له ووڵاتانی وهك توركیا و ئێران و سوریا سهردانی ئهو چێشتخانهیان كردووه تاوهكو كهباب به قهزوان و كهباب به گوێز بخۆن، چونكه له ھهرێمی كوردستان تهنھا من ئهم خواردنه ئاماده دهكهم ".گهشتیارانیش ئاماژه بۆ ئهوه دهكهن خواردنی كهباب بهگوێز و كهباب بهقهزوان تام چێژێكی تایبهتی خۆی ھهیه و ھهروهھا دهشڵێن ھهركات بێینهوه ھهورامان ئهم خواردنه جیاوازه دهخۆن".نیان نوری لهگهڵ ھاوڕێكانیدا له شاری سلێمانی روویان له وهزهنێ كردبوو ئهوان كهباب به گوێز كهباب به قهزوانیان خواردبوو ئهو بۆ PUKmedia وتی" ئێمه ناوبانگی ئهو خواردنهمان بیستبوو بۆیه پێمان خۆش بوو بهتایبهت سهردانی ئهم چێشتخانیه بكهین ئهمڕۆش كه ھاتووین كهباب به قهزوان و كهباب به گوێزمان خواردووه كه بهراستی تام و چێژێكی تایبهتی خۆی ھهبوو".
وتیشی" بڕیارمانداوه ھهركات بێینهوه ناوچهی ھهورامان ئهو خواردنه تایبهته بخۆین ".
PUKmedia ئا / جهمال سهرگهتی
سێ شەمە یەكەم رۆژی مانگی پیرۆزی رەمەزانە
خانهقین.. پهرده لهسهر تابلۆی شهھیدانی ھهڵۆی سور لادرا
كۆڕێ، ئهو داستانهی بهرگریی یهكێتی بهدهستیهێنا
رۆژی كهوتنی بتهكه
بە بەشداری بافڵ تاڵەبانی هاوسەرۆكی یەكێتی كۆبوونەوەی سەرۆكایەتی هەرێم و لایەنەكان بەڕێوەدەچێت
21 ساڵ بهسهر كۆچی دوایی برایم ئهحمهد تێدهپهڕێت
سهرۆك کۆمار نامهیهكی له قهداسهتی پاپا فرانسیس پێگهیشت
16 ساڵ پێش ئێستا بۆ یەكەمینجار پێشمەرگەیەك بوو بەسەرۆك كۆمار
ژهھربارانكردنی بالیسان و دۆڵی جافهتی
له نێوان خراپ و خراپتر!
ڕهههنده یاساییهكانی تاوانی ئهنفال
قوباد تاڵهبانی سهردانی سهرۆكی كۆمهڵی دادگهری كوردستانی كرد
کۆنسوڵی گشتی ئەرمینیا سەردانی مەکتەبی راگەیاندنی یەکێتی دەکات
خاتوو شاناز لەبیرەوەری ئەنفالدا تاجە گوڵینە لەمۆنۆمێنتی ئەنفال دادەنێت
رۆژی پێنجشهممه رێكهوتی 8-4-2021 له شاری هیلسنكی وهفدێكی ناوهندی یهكێتیی نیشتیمانیی كوردستان له فینلاند سهردانی...
هونهرمهند ئهحمهد زههاوی: زۆربهی پهیكهرهكانی من ،له فلكلۆر و كلتوری كوردی سهرچاوه دهگرنهونه&...
سهندیكای كرێكارانی كوردستان نهبوونی یاسایهكی سهردهمی و تازه به هۆكارێكی گرنگ سهرهكی بهردهم دابینكردنی مافی كرێكاران ده&zw...