کفری..ماڵێک دەکرێتە مۆزەخانە

.

لە کفری ماڵێک دەکرێتە مۆزەخانەیەکی کلتوری و دەیان کەرەستەی کۆن ودێرینی تێدا دەپارێزرێت.

مۆزەخانەی کلتوری ماڵی محسین ئاغا لە کفری، کەلەلایەن بنەماڵەکەیان بەتایبەت کاک مستەفای جەلال ئاغای نەوەیەوە چەندین پارچە ئاسەواری دەگمەن و ناوازەو قەشەنگی تێدا پارێزراوە، لەم مۆزەخانەیەدا کەلەپوور بەشێوازێکی جوانتر نمایشکراوە .

مایەی دڵخۆشیە کەلەناو ئەم گێژاوی تەکنەلۆژیاو تەنگەژەی سیاسەت و هەڵپەی پۆست و دەسەڵات و پارەیەدا ، هەندێک گەنجی ئازاو دڵسۆزمان هەیە زۆر لێبوردوانە ملوانکەی مێژوو بە موروی زێڕ دەچننەوە .

مستەفای جەلال ئاغا بۆ PUKmedia وتی: مێژووی بەشێک لە کەرەستەکان دەگەڕێتەوە بۆ نزیکەی 500 ساڵ لەمەوبەر و هەروەها دەرگای ماڵەوەمان کراوەیە بۆ ئەوەی هەمووان بزانن ئێرە خاوەن مێژوویەکی زۆر کۆن ودێرینە.

PUKmedia حەیدەر زەنگەنە/کفری