ڕێكخراوی میدیا: ده‌نگی گه‌لی كوردستان به‌ ئومێدیك بوو بۆ هه‌ڵگیرسانی شۆڕشی نوی

.

به‌ڕێزان ...به‌ڕێوه‌به‌رو ڕاگه‌یاندنكاران و كادرانی ڕادیۆی ده‌نگی گه‌لی كوردستان

سڵاوێكی شۆڕشگێڕانه‌ی گه‌رم.
   له‌یادی ٤٢ساڵه‌ی دامه‌زاراندنی ڕادیۆی ده‌نگی گه‌لی كوردستان ، جوانترین پیرۆزبایتان ئاڕاسته‌ ده‌كه‌ین،
 هیوای به‌رده‌وامی و سه‌ركه‌وتنات بۆده‌خوازین.
  دامه‌زراندنی ڕادیۆله‌هه‌لومه‌رجێك دابووكه‌ حكومه‌تی به‌عس به‌رنامه‌ی ڕاگواستن و ته‌عریب كردنی كوردستانی جێ به‌جێ ده‌كرد . له‌هه‌مان كاتیشدا ده‌نگی خه‌ڵك و شۆڕش بوو دوای شكستی شۆڕشی ئه‌یلول .ڕادیۆ بوو به‌ ئۆمێدیكی تربۆ خه‌بات و هه‌ڵگیرسانی شۆڕشی نوێ.
 ده‌نگی گه‌لی كوردستان ده‌نگی هه‌موو قۆناغه‌كانی به‌رخۆدان و تێكۆشانی ڕه‌نجده‌رانی بیرو بازوو هه‌موو چین و توێژه‌كان بووه‌..
 كه‌ به‌هه‌وڵ و تێكۆشانی خه‌مخۆرانی شۆڕش هاتۆته‌بون له‌سه‌ر ڕاسپارده‌ی سه‌رك مام جه‌لال.
 ڕادیۆبه‌شێكی زیندووی تێكۆشان و خه‌باتی شۆڕشی نوێیه‌.
  له‌م یاده‌دا ..جارێكی تر پیرۆزبایی له‌ پێشمه‌رگه‌و بیسه‌رو كادره‌ماندونه‌ناسه‌كانی شاخ و شارده‌كه‌ین.
 هیوادارین وه‌ك چۆن له‌ڕابردوو سه‌رچاوه‌ی دروستی زانیاریه‌كان بوو ده‌نگی ته‌واوی ناوچه‌كان بوو له‌داهاتووش به‌هه‌مان ڕۆحیه‌ت به‌رده‌وام بن.چونكه‌ ڕایۆی گه‌لی كوردستان به‌هاو كاریگه‌ری خۆی هه‌یه‌.له‌ڕابردوو ئێستاو داهاتوو.
له‌گه‌ڵ ڕێز
ڕێكخراوی مێدیا
بۆڕاهێنانی ڕۆژنامه‌نوسان

PUKmedia