خێره‌ له‌م یاده‌ ئه‌م په‌ره‌یه‌ هه‌ڵده‌ده‌یته‌وه‌ ؟

.

شێخ محه‌مه‌د سه‌رگه‌ڵویی له‌ چاوپێكه‌وتنێكیدا هه‌ندێ‌ زانیاری ناراستی بڵاو كردۆته‌وه‌ كه‌ دووپاتی ده‌كاته‌وه‌ ته‌نانه‌ت بوختانیش سنووری خۆی ھه‌یه‌ به‌تایبه‌ت بوختان بۆ رابه‌رێك له‌ژیاندا نه‌ماوه‌ و شێخ سه‌رده‌مانێك خۆی به‌ مورید و ھه‌ڤاڵی شۆرشه‌كه‌ی ده‌زانی.

مام به‌ شاهێدی هه‌موو كه‌س زانیاری ته‌وای له‌سه‌ر هه‌موو ورده‌كاریه‌كانی سوپای عیراق هه‌بوو به‌ ژماره‌ی سه‌رباز و چه‌ك و ته‌قه‌مه‌نی و زۆر ورده‌كاری تره‌وه‌ كه‌ دواتر ده‌ركه‌وت چه‌ندین گه‌وره‌ یٔه‌فسه‌ری سوپا په‌یوه‌ندی به‌هێزیان له‌گه‌ڵ جه‌نابی هه‌بوه‌.  كه‌سێك له‌و پایه‌ و زانیاریه‌ نه‌ی ده‌زانی كه‌ عیراق چه‌كی كیمیاوی هه‌یه‌ ؟ گه‌ر به‌ قسه‌ی یاشێخ بێت و پاكانه‌ بۆ به‌عس بكه‌ین ئه‌ی له‌ ناوچه‌كانی تری وه‌ك بالیسان و سێو سێنان و گۆپته‌په‌و ناوچه‌ی سه‌ركردایه‌تی خۆ پاسادار و سوپای ئێرانی  لێ نه‌بوو كه‌چی ئه‌نفال و كیمابارانیش كرا  . ئه‌ی قوڵایی گه‌رمیان كه‌ ژن و منداڵیان ئه‌نفال كرا پاسداری لێ بوو ؟ . ئه‌م جۆره‌ قسانه‌ بۆ كه‌سانێكی دانیشتوو له‌ سیاسه‌ت ره‌نگه‌ نه‌گونجاو بێت . یاشێخ دیوته‌ تا ئێستا ژاپۆنیه‌كان پاساو بۆ بۆردومانی ئه‌تۆمی هێرۆشیما و ناكازاكی بهێننه‌وه‌ به‌ بیانووی سوپای فراوانخوازی ژاپۆنه‌وه‌ ؟ ئه‌م جۆره‌ چه‌واشه‌كاریانه‌ به‌هیچ شێویه‌ك خزمه‌تی  مێژووی پڕ شكۆی ئه‌و شۆرشه‌ ناكات كه‌ رۆژێك له‌ رۆژان شێخ محمه‌د سه‌رگه‌ڵویی خۆی تێدا به‌شداربووه‌ و به‌رده‌وام شانازی پێوه‌ كردوه‌ . سه‌یه‌ره‌كه‌ له‌وه‌دایه‌ نازانرێت بۆچی له‌یادی هه‌ڵه‌بجه‌  یٔه‌م زانیارییه‌ هه‌ڵانه‌ به‌ڵاو ده‌كرێته‌وه‌ ؟  ده‌چێته‌ خزمه‌ت و گیرفانی كێ‌ و چ بابه‌ت و لایه‌نه‌ێك ؟ مه‌گه‌ر یاشێخ خۆی فاڵی بۆ بگرێته‌وه‌ ..