سیمپۆزیۆمی دونیابینی ژن لەكڵاوڕۆژنەی ئەدەبی كوردی

.

لەهۆڵی چالاكییەكانی زانكۆی راپەڕین سیمپۆزیۆمی دونیابینی ژن لەكڵاوڕۆژنەی ئەدەبی كوردییەوە بەڕێوەچو كە لەلایەن بەشی كوردی كۆلێژی پەروەردەی بنەڕەت و بەڕێوەبەرایەتی راگەیاندنی زانكۆ رێكخرابو.

لەسەرەتای سیمپۆزیۆمەكەدا وتاری لیژنەی سەرپەرشتیاری سیمپۆزیۆمەكە، لەلایەن (م. بەرزان عەلی)، سەرۆكی بەشی كوردی پێشكەشكراو تیایدا باسی بزوتنەوەی فێمینستی ژنان كرا

لەسیمپۆزیۆمەكەدا سێ سیمینار پێكەشكران، سیمیناری یەكەم دەربارەی رەنگدانەوەی ئایدیاكانی فێمێنستی نوێ لەئەدەبی كوردیدا لەلایەن خاتو (كەژاڵ ئەحمەد) پێشكەشكرا، دواتر لەلایەن (كنێر عەبدوڵڵا) نوسەرو چالاكوانی بواری مافەكانی ژنان سیمینارێك لەژێر ناونیشانی (نوسینی ژن و بەربەستەكانی بەردەم نوسین) پێكەشكرا، كۆتا سیمیناریش لەلایەن مامۆستا ( چنار نامیق) دەربارەی رۆڵی میدیای نوێ لەپەرەپێدانی بەرهەمە ئەدەبیەكانی ژنانی كورد، پێكەشكرا.
هەروەك چۆن سیمپۆزیۆمەكەشدا، چەند شیعرێك لەلایەن هەرسێ خاتونی ئامادەبوەوە، پێشكەشكران

PUKmedia محەمەد رەسوڵ