بڕیاره‌ ڕۆژی چوارشه‌ممه‌ وپێنج شه‌مه‌ 10 و 11 -3-2021 ده‌زگای هزری شارستانی به‌سه‌رپه‌رشتی دكتۆر سه‌ید ئه‌حمه‌د به‌رزنجی و به‌هاوكاری به‌ڕێوبه‌رایه‌تی گشتی شه‌هیدان و ئه‌نفالكراوانی پارێزگای هه‌ڵه‌بجه‌، به‌بۆنه‌ی 33 هه‌مین ساڵیادی كیمیابارانكردنی هه‌ڵه‌بجه‌ پێشه‌نگایه‌كی فۆتۆگرافی بكرێته‌وه‌.

له‌و باره‌یه‌شه‌وه‌ كامه‌ران مسته‌فا به‌ڕێوبه‌ری گشتی شه‌هیدان و كیمیابارانی هه‌ڵه‌بجه‌ به‌  PUKmediaی راگه‌یاند: ئه‌م چالاكییه‌ دووڕۆژ به‌رده‌وام ده‌بێت و له‌ناومۆنۆمێنتی هه‌ڵه‌بجه‌ ئه‌نجامده‌درێت و له‌پێشه‌نگاكه‌دا بۆ یه‌كه‌مینجاره‌ ئه‌م وێنانه‌ نمایش ده‌كرێت كه‌هی ڕۆژی كاره‌ساتی كیمیابارانی هه‌ڵه‌بجه‌و ڕۆژانی دواتره‌.

وتیشی: ڕۆژی پێنج شه‌ممه‌ش سه‌عات 10ی سه‌رله‌به‌یانی ،له‌شاری سلێمانی  و له‌مۆزه‌خانه‌ی نیشتیمانی ئه‌منه‌ سوره‌كه‌، مه‌ڕاسیمێكی تایبه‌ت به‌كاره‌ساته‌كه‌، به‌ڕێوه‌ده‌چێت كه‌چه‌ند چالاكییه‌كی جۆراوجۆر له‌خۆده‌كرێت و پاشان پێشه‌نگای فۆتۆكه‌ش له‌وێش نمایش ده‌كرێته‌وه‌.

به‌ڕێوبه‌ری گشتی شه‌هیدان وكیمیابارانی هه‌ڵه‌بجه‌ ڕاشیگه‌یاند، ئه‌م چالاكییه‌ ده‌زگای هزری شارستانی به‌سه‌رپه‌رشتی دكتۆر سه‌ید ئه‌حمه‌د به‌رزنجی و به‌هاوكاری به‌ڕێوبه‌رایه‌تی گشتی شه‌هیدان وئه‌نفالكراوانی پارێزگای هه‌ڵه‌بجه‌، سازی ده‌كه‌ن .

PUKmedia كاوان ئه‌حمه‌د حه‌مه‌ سالح هه‌ڵه‌بجه‌ی