نرخی نه‌وت له‌ 68 دۆلار نزیك ده‌بێته‌وه‌

.

نه‌وت به‌ره‌و به‌رزبونه‌وه‌ ده‌چێت و نرخی به‌رمیلێك نه‌وت له‌ 68 دۆلار نزیك ده‌بێته‌وه‌.

ئاژانسه‌كانی هه‌واڵ ئه‌مڕۆ 5-3-2021، بڵاویانكرده‌وه‌، نرخی نه‌وت به‌رده‌وامه‌ له‌ به‌رزبووه‌و ئه‌مڕۆش نرخی به‌رمیلێك نه‌وتی برنت له‌ 68 دۆلار نزیك بووه‌وه‌، ئه‌ویش دوای ئه‌وه‌ی وڵاتانی ئه‌ندام له‌ ئۆپیك و ھاوپه‌یمانه‌كانیان له‌ ده‌ره‌وه‌ی ئۆپیك كه‌ به‌ ئۆپیك پڵه‌س ناسراوه‌، پێكھاتن له‌سه‌ر ئه‌وه‌ی به‌رھه‌می نه‌وت تا كۆتایی مانگی نیسانی داھاتو له‌و ئاسته‌ی ئێستادا بھێڵنه‌وه‌.

راشیانگه‌یاندووه‌، ئه‌مڕۆ نرخی به‌رمیلێم نه‌وتی خاوی برنت به‌ڕێژه‌ی 1.3% به‌رزبووه‌ته‌وه‌و گه‌یشتووه‌ته‌ 67.61 دۆلار، هه‌روه‌ها نرخی به‌رمیلێك نه‌وتی خاوی ئه‌مریكا به‌ڕێژه‌ی له‌  1.07% به‌رزبووه‌وه‌و گه‌یشته‌ 64.51 دۆلار.

PUKmedia ئاژانسه‌كان