تيمی پارێزەران:پەیامە بڵاوکراوەکان دروستکراوەو هی سزادراوان نیە

.

پارێزەرانی سزادراوانی بادیدان لەبەردەم دادگای هەولێر لە کۆنگرەیەکی رۆژنامەوانیدا سەعات ١٠ و ٣٠ دەقیقەی ئەمشەو رایانگەیاند: لەبارەی سزادراوانی بادینانەوە چەند گرتە ڤیدیۆییەک و چەند نامەو پەیامێک بڵاوکرایەوە بۆ هەموو لایەکی روندەکەینەوە کە ئەو دەنگانە و ئەو ڤیدیۆیانە یەک نەبوون و بۆ سزادراوەکان ناگەڕێتەوەو هەمووی تۆمەتی دروستکراوە.

وتیشیان: لە رووی یاساییەوە ئەو دانپیادانانە هیچ ئیعتیبارێکی نییە و ئەو لاپتۆپ و ئامێرانەی دەستیشی بەسەردا گیراوە پێشتر لە محکەمەی دهۆک رادەست کرانەوە، بەڵام لەبەر ئەوەی لەوی ئازادکران جارێکی تر لە هەولێر محکەمەیان لەسەر گیراوەتەوە.

ئەوەشیان خستەروو کەیەکێک لەتۆمەتەکان وێنە گرتنە لەگەڵ گەریلا و ئێمە ئەوپەڕی شانازی دەکەین کە وێنە لەگەڵ گەریلا گیرابێت، ئەوان ئەوەیان بە تاوان داناوەو دراوەتە پاڵ سزادراوان.

وتیشیان: داوا لە ئەنجومەنی دادوەری دەکەین بێتە دەنگ و دەبوایە بڕیارەکە بگاتە پلەی کۆتایی ئینجا ئەو گرتە ڤیدیۆییانە بڵاو بکرێتەوەو ئەوەش سەرپێچیەکی تری یاسایە.

تیمی پارێزەران ئەوەشیان ئاماژەپێدا: کە ئەردال ناوێک هێنراوەتە سەر تەلەفزیۆن گوایە قسەی لەگەڵیان کردوە ئەو کەسە کەسێکی نێردراوەو دروستکراوەو هیچ ئیعتبارێکی بۆ دانانرێت.

وتیشیان: ئەمڕۆ ئەو رۆژنامەنوس و چالاکوانانە بەبێ تاوان سزا دراون بۆیە نابێ ئێوە بێدەنگ بن چونکە سبەینێ سەرەی ئێوەیە کە بێتاوان بگیرێن.

PUKmedia تایبەت