ئێران سێهەمین كاروانی ڤاكسینی دژە كۆرۆنا لە روسیا وەردەگرێت

.

 ئەمڕۆ پێنج شەممە بەپێی رێكەوتنێكی نێوان هەردوو وڵات ئێران سێهەمین كاروان ڤاكسینی سپۆتینگ ڤی، دژە بەكۆرۆنا لەروسیا وەردەگرێت.

كازمی جەلالی باڵوێزی ئێران لەفدراسیۆنی روسیا رایگەیاندوە:" ئەمڕۆ پێنج شەممە سێهەمین كاروانی ڤاكسینی سپۆتینگ ڤی، دژ بەكۆرۆنا لەلایەن روسیاوە رەوانەی ئێران كراوە".

رونیشكردوەتەوە:" 200 هەزار ژەمە ڤاكسینەو پێشتر بەدوو كاروان 120 هەزاری تر رەوانەی ئێران كراوە".

باسی لەوەشكردوە:" بەپێی رێكەوتنی نێوان هەردوو وڵات هەزاران ژەمە ڤاكسینی تر رەوانەی ئێران دەكرێت".

جەلالی ئەوەشی وتووە:" لەداهاتوودا نوسینگەی بەرهەمهێنانی ڤاكسینی سپۆتینگ ڤی لە ئێران دەكرێـتەوە،نەك تەنها بەشی ناوخۆ بەڵكو بەشی وڵاتانی دراوسێش بەرهەم دەهێنرێت.

PUKmedia ئاژانسەكان