شوان عه‌توف: فلیمی 09 ته‌واو جیاوازه‌

.

ئێواره‌ی رۆژی چوارشه‌ممه‌ 3-3-2021  به‌ئاماده‌بوونی د.هه‌ڤاڵ ئه‌بوبه‌كر پارێزگاری سلێمانی و ژماره‌یه‌كی زۆر له‌ هونه‌رمه‌ندانی ناوخۆیی و بیانی فلیمی 09  له‌سلێمانی نمایش كرا.

فلیمه‌كه‌ له‌رۆژانی ئاینده‌ له‌شاره‌كانی سلێمانی و هه‌ڵه‌بجه‌و كه‌ركوك و كه‌لار نمایش ده‌كرێت و به‌هۆی رێگری له‌نمایشی فلیمه‌كه‌ له‌لایه‌ن وه‌زیری ناوخۆوه‌ بڕیاره‌ له‌رۆژی 10-3-2021 له‌هه‌ولێر و دهۆك نمایش بكرێت.

وه‌زاره‌تی ناوخۆ به‌هۆكاری بڵاوبوونه‌وه‌ی كۆرۆناوه‌ رێگری له‌نمایش كردنی فلیمه‌كه‌ كردوه‌و له‌و باره‌یه‌شه‌وه‌ شوان عه‌توف سوپه‌رستاری كوردو خاوه‌نی خه‌ڵاتی باشترین ئه‌كته‌ری عیراق رایگه‌یاندوه‌، له‌ رۆژانی ئاینده‌دا فلیمه‌كه‌ له‌هه‌ولێر و دهۆكیش نمایش ده‌كرێت و فلیمه‌كه‌ به‌ ڕۆڵبینینێكی ته‌واو جیاواز به‌رهه‌مهێنراوه‌و هیوام وایه‌ توانیبێتمان كارێكی نوێمان كردبێت و هه‌نگاوێكی دیكه‌ به‌رهه‌مهێنانی فلیمان بردبێته‌ پێشه‌وه‌.

PUKmedia ڤینۆس تۆفیق