لێپرسراوی مه‌ڵبه‌ندی دھۆك پیرۆزبایی له‌ ئێزیدییه‌كان ده‌كات

.

به‌بۆنه‌ی په‌سه‌ندكردنی یاسای قه‌ره‌بووكردنه‌وه‌ی كچان و ژنانی ئێزیدییه‌كانی رزگاربووی ده‌ستی داعش، ئاراس محه‌مه‌د ئاغا ئه‌ندامی سه‌ركردایه‌تی لێپرسراوی مه‌ڵبه‌ندی چوار دھۆك، بروسكه‌یه‌كی پیرۆزبایی ئاڕاسته‌ی ئێزیدییه‌كان كردووه‌، كه‌ ئه‌مه‌ ده‌قه‌كه‌یه‌تی:

پاش ململانێكی توند و نارازیبونێكی  زۆر و ھه‌وڵی چه‌ندین كه‌س و لایه‌نه‌كان بۆ ھه‌ڵوه‌شاندنه‌وه‌ی یاسای قه‌ره‌بووكردنه‌وه‌ی كچ و ژنی ئێزیدیه‌كانی رزگاربووی ده‌ستی داعش، پاش چه‌ند ساڵێكی چاوه‌رێكردن له‌ یه‌كی ئاداری 2021 ئه‌نجومه‌نی نوینه‌رانی عیراق له‌ دانیشتیێكی ئاسایی ئه‌و یاسایه‌ په‌سه‌ندكرا.
یاسا قه‌ره‌بووی كچ و ژنی رزگاربووی به‌ده‌ستی پێشخه‌ری و ھه‌ولی فراكسیۆنی (ی. ن. ك) وپشتوانی  تایبه‌تی سه‌رۆك كۆماری عیراق دكتۆر به‌رھه‌م ئه‌حمه‌د ساڵح له‌لای ئه‌نجومه‌نی نوینه‌رانی عیراق  په‌سه‌ندكرا.

ئه‌م یاسه‌ ده‌رگایه‌كه‌ بۆ گه‌رانه‌وه‌ی قه‌ره‌بووی مادی بۆ كچ و ژنی ئێزیدیه‌كان رزگاربووی ده‌ستی  رێكخسته‌كانی داعش له‌به‌ر ئه‌وه‌ی ئه‌و كچ و ژنه‌ ھه‌ڵگری ئازاری قوڵ و دژوارن.

 ئومێده‌وارین خاڵ و برگه‌كانی ئه‌م یاسایه‌ وه‌كو پێویست جێبه‌جێبكرێت وببێته‌ ھۆكاری باشتركردنی ژیان و به‌دیهێنانی ژیانێكی شه‌ره‌فمه‌ندانه‌ بۆ سه‌رجه‌م كچ و ژنی  و خێزانی ئێزیدییانی رزگاربووی ده‌ستی داعش .

یه‌كێتیی نیشتمانیی كوردستان، وه‌ك چۆن به‌رگری له‌ شه‌نگال و سه‌رجه‌م سنووره‌كانی ھه‌رێمی كوردستان كردووه‌ به‌سه‌دان سه‌ركردوه‌ و فه‌رمانده‌ و پێشمه‌رگه‌ی قاره‌مان گیانی خۆیان په‌خشیوه‌ به‌م نیشتمانه‌ ، بۆیه‌ به‌رده‌وام ده‌بێت له‌سه‌ر داكۆكی له‌ مافه‌كانی هاووڵاتییانی ئێزیدی و ھه‌موو پێكھاته‌كانی ھه‌رێمی كوردستان و عیراق.

بۆیه‌ لێره‌دا گه‌رمترین و جوانترین پیرۆزبایی له‌ ته‌واوی گه‌لی ئێزیدیه‌كان به‌تایبه‌تیش كچ و ژنانی رزگاربووی ده‌ستی داعش ، ھیوای ژیانیكی به‌خته‌وه‌ر بۆ ھه‌مووان ده‌خوازم.


ئاراس محه‌مه‌د ئاغا
ئه‌ندامی سه‌ركردایه‌تی
لێپرسراوی مه‌ڵبه‌ندی چوار دھۆك

PUKmedia