سەرۆکایەتی یەکێتی بۆکۆچی سوارە ئاغا هاوخەمی دەردەبڕن

.

سەرۆکایەتی یەکێتیی نیشتمانیی کوردستان بۆ کۆچی دوایی سەرۆکی عەشیرەتی بڵباس هاوخەمیی خۆیان دەردەبڕن و سەرەخۆشی لەخانەوادەکەیان دەکەن.

دەقی پرسەنامەکە.........

بەناوی یەزدانی مەزن و میهرەبان

بەرێز/ هەمزە ئیسماعیل ئاغای بڵباس
بەرێزان / خێزان و خانەوادە و بنەماڵەی ئیسماعیل ئاغای بڵباس


به‌داخ و پەژارەیەکی زۆره‌وه‌ هه‌واڵی كۆچی دوایی پێشمەرگەی دێرین و کەسایەتی دیار و ناسراوی دەڤەری پشدەر و بتوێن کاکە( سوار ئیسماعیل ئاغا) سەرۆکی عەشیرەتی بڵباس مان بیست.

بۆ ئەم خەمەتان پرسە و سەرەخۆشی  قوڵیی خۆمان ئاراستەی بنەماڵە تێکۆشەرەکەتان دەکەین بۆ خۆتان خۆشبن و تەمەنی درێژی بۆتان بەجێهێشتبێت.

خوالێخۆشبوو سوار ئاغای بڵباس کەسایەتیەکی دیار و تێکۆشەربوو، لەڕابردوودا خزمەتێکی زۆری لە خەباتی شاخ و شاردا پێشکەش کردوە، لەگەڵ بنەماڵە سەربەرزەکەیان هەردەم لە ڕیزی خەبات و قوربانیدان بوون.
 
 لەخوای گەورە داواکارین گیانی کاک سوار ئاغا بەبەهەشتی بەرینی شاد بکات و دڵنەوایی و سوکناییش بە ئێوە و خانەوادە و بنەماڵەکەتان ببەخشێت.

هەر سەلامەت و سەربەرزبن

ٳنــا لله وٳنــا ٳلــیــه راجــعــون

سەرۆکایەتی یەکێتیی نیشتیمانیی کوردستان

PUKmedia