قائیمقامیەتی سلێمانی 13 شوێن دادەخات

.

بەهۆی پابەند نەبون بە مەرج و رێنماییەكانی كاركردن، قائیمقامیەتی سلێمانی بە هاوكاری بەڕیوەبەرایەتی ئاسایشی سلێمانی (13) شوێنی خواردن و خواردنەوە دادەخات.

راگەیاندنی قائیمقامیەتی سلێمانی بڵاویکردوەتەوە: بەهۆی پابەند نەبون بە مەرج و رێنماییەكانی كاركردن بە گشتی و مەرجەكانی تەندروستی و گەشتوگوزار بەتایبەتی، لیژنەكانی قائیمقامیەت بە هاوكاری بەڕێوەبەرایەتی ئاسایشی سلێمانی (13) شوێنی خواردن و خواردنەوە لە گەڕەكی سەرچناری شاری سلێمانی دادەخات.

ئاماژە بەوەشدراوە: هەریەك لە خواردن و خواردنەوەكانی (رەزان، ئەوین، ماڵی سێوە، VIP، كەرنەڤاڵ شیراتۆز، سایە گوڵ 2، ئیو، ڤین، شنە، چاینا، بیك سپیندەر و چاینینا) بە فەرمانی قائیمقامی سلێمانی سەرجەمیان دادەخرێن و خاوەنەكانیشیان روبەڕوی رێكاری یاسایی دەكرێنەوە.

ئەوەش خراوەتەڕوو: بەسوپاسەوە هێزە ئەمنییەكانی شاری سلێمانی بەگشتی و بەڕێوەبەرایەتی ئاسایشی سلێمانی بەتایبەتی، بەپێدانی زانیاری و سەردانی بەردەوامی لیژنەكان بۆ دوكان و بازاڕ و شوێنە گشتییەكان هاوكاری تەواوی لیژنەكانی قائیمقامیەتی سلێمانی دەكەن.

PUKmedia راگەیاندنی قائیمقامیەتی سلێمانی