دەزگای مین بەهەماهەنگی لەگەڵ رێكخراوی نەتەوە یەكگرتووەكانبۆ كاروباری مین لەڕێگەی فیلمێكی ئەنیمەیشنەوە هاووڵاتیان هوشیار دەكەنەوە.

بەڕێوەبەرایەتی گشتی راگەیاندن و چاپ و بڵاوكردنەوەی سەربە دەزگای مین  رایگەیاندوە:" لە سۆنگەی بەرپرسیاریەتی وەكو ئەركێكی مرۆیی بۆ كەمكردنەوەی قوربانیانی مین و تەقەمەنی لەشار و شارۆچكەكان وە پاراستنی سەلامەتی گیانی ھاوڵاتیان لە ھەرێمی كوردستان لەو مەرگە شاراوەیەیی كە چەندەھا ھاوڵاتی بونە قوربانی گیان لەدەستدان و پەككەوتەیی، دەزگای مین بەھەماھەنگی لەگەڵ رێكخراوی نەتەوە یەكگرتووەكان بۆ كاروباری مین (UNMAS) فیلمێكی ئەنیمەیشن دەربارەی ھۆشیاركردنەوە لە مەترسییەكانی كەرستەی تەقەمەنی (EORE)بەرھەمھێنا كە ماوەی تەنھا یەك خولەك و پەنجاو حەوت چركە دەخایەنێت.

ئاماژە بەوەشدراوە:" بۆ ئەم مەبەستە داواكارین گشت كەناڵ و دەزگاكانی راگەیاندن فیلمی ناوبراو ھەموو رۆژانی پێنج شەممەیەك بۆ ماوەی ساڵێك نمایش بكەن بۆ ئەوەی پەیامی ھۆشیاری بگات بەزۆرترین ماڵ لەكوردستان وە ھەروەھا بەلەبەرچاو گرتنی وەرزی گەشت و سەیرانكردن لە ھەرێمدا، ھاوكاریتان ئەركێكی مرۆیی و نیشتمانیە.

PUKmedia بەڕێوەبەرایەتی گشتی راگەیاندن و چاپ و بڵاوكردنەوە.

کلک بکە بۆ بینینی ئەنیمەیشنەکە