riklam

وەزارەتی كشتوكاڵ چەند بڕیارێك دەردەكات

ئابوری 10:54 PM - 2021-02-23
.

.

لەكۆبونەوەی ئەمڕۆی ئەنجومەنی باڵای پیشەسازی و پەلەرەوە بەسەرۆكایەتی بێگەرد تاڵەبانی وەزیری كشتوكاڵ چەند  بڕیارێك دەركرا.

دەقی بڕیارەكان:

1- جەختكردنەوە لەسەر قەدەغەكردنی مریشكی هاوردە و بەستوو بەهەموو شێوەیەك لەتەواوی دەروازەكانی هەرێمی كوردستان، بۆ ئەم مەبەستە هەماهەنگی تەواو لەگەڵ سەرجەم لایەنە پەیوەندی دارەكان دەكرێت.

2-  هەڵمەتێكی نیشتیمانی بۆ دەستبەسەرداگرتنی بەرهەمی قاچاغ و نایاسایی لەبازاڕەكان ئەنجام دەدرێت بەسەرپەرشتی خودی وەزیری كشتوكاڵ و سەرچاوەكانی ئاو.

3- بڕیار درا بە ڕاگرتن وقەدەغەكردنی پارچەكانی مریشكی هاوردەكراو، لەبڕی ئەمە خاوەنی سەربڕخانەكانی كوردستان راسپێردران كە ئامادەكاری بكەن بۆ پركردنەوەی بازاڕەكانی هەرێمی كوردستان بە لەبەرچاو گرتنی خواستی براندە بیانیەكان.

4- بەمەبەستی پاراستنی بەرهەمی ناوەخۆیی و بەرهەمی دەواجن و سەربڕخانەكانی هەرێمی كوردستان هەفتەی داهاتوودا هەڵمەتێكی راگەیاندن بۆ ناساندنی ستیكەر وباركۆدی تایبەت لەسەر بەرهەمی سەربڕخانەكانی هەرێمی كوردستان دەچێتە بواری جێەبەجێ كردنەوە كەئەمە دەبێتە هۆكارێك بۆ پارێزگاری و ناساندنی بەرهەمی ناوەخۆیی بە كوالێتیەكی بەرز و نرخێكی گونجاو بۆ بازاڕەكانی هەرێمی كوردستان.

5- جەنابی وەزیر سەرجەم فەرمانگە پەیوەندیدارەكانی  راسپارد لە ناو وەزارەتی كشتوكاڵ وسەرچاوەكانی ئاو بۆ چارەسەركردن و بەدواداچوونی هەموو ئەو بابەتانەی كە پەیوەندی هەیە بەپیشەسازی پەلەوەرەوە، بەتایبەتی لە پرۆژەكانی مریشكی گۆشت و كارگەكانی ئالیك و سەربڕخانەكان، لەلایەن بەڕێوەبەرایەتی سامانی ئاژەڵی و ڤێترنەری پارێزگاكان بۆ كاروبارەكان.

6- تاكیدكردنەوە لەگەڵ وەزارەتی كارەبا لەسەر نرخی كارەبا بۆ پرۆژە گرنگەكانی  پەلەوەری و پرۆژەكانی كشتوكاڵی دوای  پشتگیری كردنیان  لەلایەن وەزارەت.

7-وەزارەتی كشتوكاڵ و سەرچاوەكانی ئاو لە نوسراوێكی فەرمیدا داوا لە ئەنجومەنی وەزیران دەكات كە لە پێناوی گرنگی دان و پاڵپشتی كردنی بەرهەمی ناوەخۆی گشتاندن بكات بۆ وەزارەتەكانی پێشمەرگە و ناوەخۆ و تەندروستی و كاروباری كۆمەڵایەتی و كار، كە بەرهەمی كێلگە پەلەوەریەكانی ناوەخۆی هەرێمی كوردستان بكڕنەوە.

 PUKmediaراگەیاندنی وەزارەتی  كشتوكاڵ وسەرچاوەكانی ئاو

 

ئەمانەش ببینە

زۆرترین خوێنراو

هەواڵەکان دەنێرین بۆ مۆبایلەکانتان

ئەپڵیکەیشنی

app دابەزێنە

Play store app store app
The News In Your Pocket