وەزیری تەندروستی: توشبوانی ئێستا زۆربەیان نەوەی نوێی کۆرۆنایە

.

وەزیری تەندروستی حكومەتی هەرێمی كوردستان ئاماژە بۆ ئەوە دەكات كە زۆرینەی ئەو حاڵەتانەی كە رۆژانە تۆمار دەكرێن لە زنجیرەی نوێی ڤایرۆسی كۆرۆنان.

د.سامان بەرنجی وەزیری تەندروستی حكومەتی هەرێمی كوردستان رایگەیاندوە:" حاڵەتەكانی ئێستای كۆڕۆنا زۆربەیان زنجیرەی نوێی ڤایرۆسی كۆڕۆنان كە بازدان بەسەر ڤایرۆسەكە هاتووە.

ئاماژەی بەوەشداوە:" هەمان ڕێكارەكانی چارەسەركردنە بۆ نەخۆشانی تووشبوو. پێویستە نەخۆش لە قۆناغی سەرەتاییدا پزیشكی چارەسەر ببینێت نەوەك خۆی دوابخات.

رونیشكردوەتەوە:" ڤایرۆسی نوێ پێوستی بە خۆپارێزی زیاترە بۆ ڕێگەگرتن لە خێرا بڵاوبوونەوە.

جەختیكردوەتەوە:"كەسوكار و نزیكانی تووشبووی كۆڕۆنا پێویستە پشكنینی تاقیگە بكەن و خۆیان كەڕەنتن بكەن تا كەسانی تر تووش نەكەن.

PUKmedia داڕشتنەوە