ئاراس محه‌مه‌د ئاغا ئه‌ندامی سه‌ركردایه‌تی و لێپرسراوی مه‌ڵه‌ندی چواری دهۆك پێشوازی له‌ شاناز ئیبراهیم ئه‌حمه‌د كارگێڕی مه‌كته‌بی سیاسی یه‌كێتیی نیشتمانی كوردستان و وه‌فدی یاوه‌ری كرد.

دواتریش كۆبونه‌وه‌یه‌كی فراوان رێكخرا له‌ باره‌گای مه‌ڵبه‌ند له‌ سه‌ره‌تای  كۆبونه‌وه‌كه‌ش ئاراس محه‌مه‌د ئاغا به‌ناوی خۆی و ھه‌ڤاڵانی مه‌ڵبه‌ند به‌خێرھاتنێكی گه‌رمی شاناز ئیبراھیم ئه‌حمه‌د كارگێری مه‌كته‌بی سیاسی ی ن ك و وه‌فدی یاوه‌ری كردو  له‌ ته‌وه‌رێكی تریش باسی له‌ رێكخستنه‌كانی ی ن ك كرد له‌ پارێزگای دھۆك كه‌ به‌رێژه‌یه‌كی به‌رچاو زیادی كردووه‌، باسی ره‌وشی ئێستای كوردستان و گۆڕانكارییه‌كانی سه‌ر گۆڕه‌پانی سیاسی كرا.

دواتریش شاناز ئیبراھیم ئه‌حمه‌د خۆشحالی خۆی ده‌ربری به‌م سه‌ره‌دانه‌ بۆ مه‌ڵبه‌ندی چواری دھۆك و ئه‌و پێشوازییه‌ گه‌رمه‌ ، پاشان به‌ تێروته‌سه‌لی باس له‌ گرنگی لامه‌ركه‌زیه‌ت و داویین پێشھاتی ده‌ڤه‌ره‌كه‌ و كوردستان به‌ تایبه‌تی بۆ ئاماده‌بوان رونكردوه‌ له‌گه‌ل چه‌ند ته‌وه‌ریكی تری گرنگ و ھه‌نووكه‌یی .

PUKmedia كۆسره‌ت فه‌یسه‌ل كه‌تۆ