به‌پێی توێژینه‌وه‌یه‌ك قه‌زای كه‌لار وه‌ك میواندۆسترین شار بۆ له‌خۆگرتنی ئاواره‌ هه‌ژمار ده‌كرێت.

بێستون ژاڵه‌یی به‌ڕێوه‌به‌ری ناوه‌ندی ھاوبه‌شی ھه‌ماھه‌نگی قه‌یرانه‌كان له‌ ئیداره‌ی گه‌رمیان رایگه‌یاند: به‌پێی توێژینه‌وه‌یه‌كی مه‌یدانی كه‌ ڕێكخراوی كۆچی نێوده‌وڵه‌تی (iom) له‌ 14 گه‌وره‌شاری عیراق و هه‌رێمی كوردستاندا ئه‌نجامیداوه‌ به‌ به‌غدا و هه‌ولێریشه‌وه‌ كه‌ زۆرترین ڕێژه‌ی ئاواره‌یان تێدایه‌ و تیایدا ڕای ئاواره‌كان وه‌رگیراوه‌،  شاری كه‌لاری ناوه‌ندی ئیداره‌ی گه‌رمیان به‌ میهره‌بانترین و میواندۆستترین شار له‌ پرسی له‌خۆگرتنی ئاواره‌كاندا هاتووه‌.

وتیشی: به‌پێی توێژینه‌وه‌كه‌، ئاواره‌كان له‌كه‌لار به‌م جۆره‌ ڕای خۆیان ده‌ربڕیوه‌:

%76 ده‌ڵێن هه‌رگیز كه‌لار به‌جێ ناهێڵین

%75 ئینتیمایان بۆ شاره‌كه‌ هه‌یه‌ و خۆشیان ده‌وێت.

%75 واهه‌ست ئه‌كه‌ن له‌كه‌لار قبوڵكراون و وه‌ك خانه‌خوێ و خاوه‌ن ماڵ سه‌یر ده‌كرێن.

%98 متمانه‌یان به‌ خه‌ڵكی كه‌لار هه‌یه‌.

%100 متمانه‌یان به‌ ده‌زگا په‌یوه‌ندیداره‌كان هه‌یه‌.

%99 واهه‌ست ده‌كه‌ن له‌كه‌لار به‌ته‌واوه‌تی پارێزراون.

PUKmedia راگه‌یاندنی ئیداره‌ی گه‌رمیان
فۆتۆ: كاوه‌ جاسم