عیراق.. تا ئێستا 30 هاوپه‌یمانی بۆ هه‌ڵبژاردنی پێشوه‌خت په‌سه‌ندكراون

.

تا ئێستا 30 هاوپه‌یمانی بۆ هه‌ڵبژاردنی پێشوه‌خت له‌ عیراق په‌سه‌ندكراون، چاوه‌ڕوانیش ده‌كرێت ژماره‌ی هاوپه‌یمانییه‌كان زیاد بكات.

كۆمسیۆنی باڵای سه‌ربه‌خۆی هه‌ڵبژاردنه‌كانی عیراق ڕایگه‌یاند، له‌ چوارچێوه‌ی ئاماده‌كارییه‌كان بۆ هه‌ڵبژاردنی پێشوه‌خت له‌ عیراق، تا ئێستا 249 حزب و لایه‌نی سیاسی ناوی خۆیان بۆ به‌شداریكردن له‌ هه‌ڵبژاردن تۆماركردووه‌، 58 حزبی تریش له‌ قۆناغی دامه‌زراندندان، هاوكات 59 هاووڵاتیش وه‌ك كاندیدی سه‌ربه‌خۆ ناویان تۆمار كردووه‌.

ئاماژه‌ی بۆ ئه‌وه‌شكردووه‌، تا ئێستا 30 هاوپه‌یمانی بۆ به‌شداریكردن له‌ هه‌ڵبژاردن په‌سه‌ندكراون، 8 هاوپه‌یمانی تریش له‌ قۆناغی په‌سه‌ندكردندان، 7 هاوپه‌یمانی تریش داوایان پێشكه‌شی كۆمسیۆن كردووه‌.

به‌ پێی بڕیاری سه‌رۆكی ئه‌نجومه‌نی وه‌زیرانی عیراق، بڕیاره‌ له‌ 10 ی تشرینی یه‌كه‌می ئه‌مساڵ پڕۆسه‌ی هه‌ڵبژاردنی پێشوه‌خت له‌ عیراق به‌ڕێوه‌بچێت.

PUKmedia كۆمسیۆنی باڵای سه‌ربه‌خۆی هه‌ڵبژاردنه‌كان له‌ عیراق