شیروان میرزا: چاوه‌ڕێی ئه‌نجامی كۆبوونه‌وه‌ی لایه‌نه‌ سیاسییه‌كانین

.

ئه‌ندامێكی لیژنه‌ی دارایی له‌ ئه‌نجومه‌نی نوێنه‌ران رایگه‌یاند: داڕشتنه‌وه‌ی كۆتایی پڕۆژه‌ یاسای بودجه‌ی 2021 ته‌واوبووه‌، به‌ڵام یه‌كلایكردنه‌وه‌ی پشكی هه‌رێمی كوردستان له‌ ره‌شنووسی پڕۆژه‌كه‌ماوه‌، بۆ ئه‌وه‌ش چاوه‌ڕێی ئه‌نجامی كۆبوونه‌وه‌ی لایه‌نه‌ شیعه‌كان ده‌كه‌ین.

شیروان میرزا ئه‌ندامی لیژنه‌ی دارایی له‌ ئه‌نجومه‌نی نوێنه‌رانی عیراق ئه‌مڕۆ 23-2-2021، به‌ PUKmedia ی راگه‌یاند: لیژنه‌ی دارایی ره‌شنووشی كۆتایی پڕۆژه‌ یاسای بودجه‌ی 2021 ی ته‌واو كردووه‌، به‌ڵام ئه‌وه‌ی له‌سه‌ر ته‌واوبوونی كۆتایی ره‌شنووسه‌كه‌ ماوه‌ بابه‌تی یه‌كلاییكردنه‌وه‌ی پشكی هه‌رێمه‌ له‌ پڕۆژه‌ یاساكه‌، بۆ ئه‌وه‌ش لیژنه‌ی دارایی چاوه‌ڕێی ئه‌نجامی كۆبوونه‌وه‌ی لایه‌نه‌ شیعه‌كانه‌ له‌سه‌ر ئه‌و پرسه‌، وتیشی: لیژنه‌ی دارایی هه‌موو هه‌وڵه‌كانی خستووه‌ته‌گه‌ڕ بۆ پاراستنی مافی هه‌موو هاووڵاتییان و فه‌رمانبه‌رانی وڵات له‌ پڕۆژه‌ یاساكه‌.

بڕیاره‌ ئه‌مڕۆ سێشه‌ممه‌ وه‌فدێكی باڵای حكومه‌تی هه‌رێم به‌سه‌رۆكایه‌تی قوباد تاڵه‌بانی جێگری سه‌رۆكی حكومه‌تی هه‌رێم سه‌ردانی به‌غدا بكه‌نه‌وه‌، بۆ گفتوگۆكردن له‌گه‌ڵ لایه‌نه‌ سیاسییه‌كانی عیراق و یه‌كلاییكردنه‌وه‌ی پشكی هه‌رێمی كوردستان له‌ پڕۆژه‌ یاسای بودجه‌ی 2021 .  

PUKmedia تایبه‌ت