ئه‌مڕ‌ۆ 23-2-2021، له‌ شاری دهۆك، شاناز ئیبراهیم ئه‌حمه‌د كارگێڕ‌ی مه‌كته‌بی سیاسی یه‌كێتیی نیشتمانیی كوردستان به‌ یاوه‌ری ئاراس جانگیر محه‌مه‌د ئاغا ئه‌ندامی سه‌ركردایه‌تی و لێپرسراوی مه‌ڵبه‌ندی ڕ‌ێكخستنی دهۆك و ئیمان ئامێدی ئه‌ندامی سه‌ركردایه‌تی و وه‌فدێكی مه‌ڵبه‌ند، چاویكه‌وت به‌ منداڵ و خانه‌واده‌ی ژماره‌یه‌ك له‌ ڕ‌اگیراوانی سنووری بادینان كه‌ له‌ دۆخێكی ته‌مومژاویدا به‌ (6) ساڵ زیندانیكردن حكومدران، و په‌رۆشیی و خه‌مخۆری یه‌كێتی بۆ دووپاتكردنه‌وه‌.

له‌و دیدارانه‌دا، شاناز ئیبراهیم ئه‌حمه‌د كارگێڕ‌ی مه‌كته‌بی سیاسی یه‌كێتیی نیشتمانیی كوردستان، دوای گوێگرتن له‌ منداڵ و خانه‌واده‌ی ڕ‌اگیراوه‌كان له‌ باسكردنی چۆنیه‌تی ده‌ستگیركردنی باوك و كوڕ‌ه‌كانیان و چاوه‌ڕ‌وانی چه‌ند مانگه‌یان، به‌ چاوی پڕ‌ فرمێسكه‌وه‌ نیگه‌رانی خۆی بۆ شێوازی مامه‌ڵه‌ی ئه‌و لایه‌نانه‌ نیشاندا، هاوكات جه‌ختی له‌ هه‌ڵوێست و پشتیوانی یه‌كێتیی نیشتمانیی كوردستان كرده‌وه‌ و باسی له‌وه‌شكرد كه‌ كێشه‌ی ڕ‌اگیراوانی بادینان بووه‌ته‌ خه‌می هه‌مووان، ته‌نانه‌ت له‌ ئاستی نێوده‌وڵه‌تی وه‌ك پرسێكی گرنگ چاودێری دۆخه‌كه‌ ده‌كرێت، وتیشی: ئومێد ده‌كه‌ین دادگای ته‌میز دادپه‌روه‌رانه‌ به‌و تۆمه‌ته‌ دروستكراوانه‌ی كه‌یسه‌كانیاندا بچێته‌وه‌.

لای خۆیانه‌وه‌، منداڵ و خانه‌واده‌كانیان، سوپاسگوزاری خۆیان ده‌ربڕ‌ی بۆ پشتیوانی و به‌ده‌نگه‌وه‌هاتنی یه‌كێتیی نیشتمانیی كوردستان و به‌سه‌ركردنه‌وه‌كه‌ی شاناز ئیبراهیم ئه‌حمه‌د.

PUKmedia