گەڕەكێكی سلێمانی بێ كارەبا دەبێت

.

بەڕێوەبەرایەتی كارەبای سلێمانی رایدەگەیەنێت، سبەینێ پێوەری زیرەكی كارەبا بۆ گەڕەكی چوارچرا دەبەسرێت و بۆ ئەو مەبەستەش دانیشتووانی گەڕەكەكە چەند سەعاتێك بێ كارەبا دەبن.

لە راگەیەنراوێكدا كە كۆپییەكی گەیشتووەتە PUKmedia، بەڕێوەبەرایەتی كارەبای سلێمانی ئاگاداری‌ دانیشتوانی گەڕەكی چوارچرا دەكاتەوە كە دەكەونە سەر هەردوو فیدەری 210  و 54، سبەینێ 24-2-2021، پێوەری زیرەكیان بۆ دەبەسرێت، بۆیە لە سەعات 8 ی بەیانی تا 3 ی پاش نیوەڕۆ كارەبایان نابێت‌، ئەوەش لە پێناو سەلامەتی گیانی تیمەكانی كارەبا و هاووڵاتیان-دایە.

راشیگەیاندووە: بۆ ئاگاداری هەموولایەك جگە لە ستافی  تایبەتی هۆبەكانی چاكسازیی كارەبا و كۆمپانیا، هیچ كەس بۆی نییە دەستكاری پێوەرەكان بكات بەپێچەوانەوە توشی لێپرسینەوەی یاسایی دەبێت.

PUKmedia راگەیاندنی بەڕێوەبەرایەتی كارەبای سلێمانی