بێگه‌رد تاڵه‌بانی: به‌رده‌وام ده‌بین له‌خزمه‌تی جوتیاران

.

وه‌زاره‌تی كشتوكاڵ و سه‌رچاوه‌كانی ئاو سوپاسی هه‌موو ئه‌و لایه‌نانه‌ ده‌كات كه‌ هه‌وڵی گه‌ڕانه‌وه‌ی شایسته‌داراییه‌كانی جوتیارانی هه‌رێمیان داوه‌ .

بێگه‌رد تاڵه‌بانی وه‌زیری كشتوكاڵ و سه‌رچاوه‌كانی ئاو وێڕایی پیرۆزبایی له‌ جوتیارانی هه‌رێمی كوردستان بۆ دابینكردنی قۆناغی یه‌كه‌می به‌رهه‌می ماندوبوونی شایسته‌ی ساڵانی (٢٠١٤، ٢٠١٥، ٢٠١٦) سوپاسی هه‌وڵ و ماندوو بوونی هه‌موو ئه‌و لایه‌ن و به‌ڕێزانه‌ ده‌كات كه‌ به‌شداربوون و له‌خه‌می به‌رده‌وامی جوتیارانی هه‌رێمی كوردستاندا بوون، به‌تایبه‌تی له‌ ئاستی حكومه‌ت و په‌رله‌مان و پارته‌ سیاسیه‌كان و كه‌سایه‌تیه‌كاندا.

جێگه‌ی ئاماژه‌یه‌ كه‌ بۆ هه‌مان مه‌به‌ست له‌ ماوه‌ی رابردوو  وه‌زاره‌تی كشتوكاڵ و سه‌رچاوه‌كانی ئاو، به‌سه‌رۆكایه‌تی بێگه‌رد تاڵه‌بانی، سه‌ردانی به‌غدای كردووه‌ و له‌گه‌ڵ سه‌رۆك كۆماری عیراق و جێگری سه‌رۆكی په‌رله‌مانی عیراق و لێژنه‌ی كشتوكاڵ و ئاودێری و وه‌زاره‌ته‌كانی بازرگانی و كشتوكاڵ و سه‌رچاوه‌كانی ئاودا، پێداگیری و كۆبونه‌وه‌ و په‌یوه‌ندی به‌رده‌وامی ئه‌نجام داوه‌.

هه‌روه‌ها وه‌زاره‌تی كشتوكاڵ و سه‌رچاوه‌كانی ئاو راشیگه‌یاندوه‌، له‌ هه‌وڵی به‌رده‌وام ده‌بین بۆ دابینكردنی شایسته‌ داراییه‌كانی قۆناغی كۆتایی بۆ جوتیارانی هه‌رێم به‌ هه‌ماهه‌نگی له‌گه‌ڵ سه‌رجه‌م لایه‌نه‌ په‌یوه‌ندی داره‌كانی تردا.

  PUKmedia  راگه‌یاندنی وه‌زاره‌تی كشتوكاڵ و سه‌رچاوه‌كانی ئاو