riklam

رونكردنەوەیەك لە نوسینگەی د.فوئاد مەعسومەوە

کوردستان 09:30 PM - 2021-02-22
.

.

ماوەیەكە بەڕەواو ناڕەوا هێرشێكی نامەنتیق دەكرێتە سەر جەنابی د.فوئاد مەعسوم ئەندامی دەستەی دامەزرێنەری یەكێتیی نیشتمانیی كوردستان و سەركردەی رۆژانی خەباتی شاروشاخ و ماندوبونی بەڕێزیان، بەهۆی لێدوانی خاتوو شیرین فوئاد مەعسومی كچی بەڕێزیانەوە . 

بەهەموولایەكی رادەگەیەنین كە جەنابی د.فوئاد مەعسوم نەك هەر لەگەڵ ئەو جۆرە لێدوان و قسانە نیەو دورە لە بۆچون و ڕاو كەسایەتی جەنابیان، زۆربەی كاتیش دژو نا هاوڕابوە لەگەڵ ئەو جۆرە بۆچونانە كە بەداخەوە بەشێك لە راگەیاندنەكانیش بەمەبەست و بۆ ناشیرینكردنی خەباتی پاك و نەزیهی جەنابی د.فوئاد تەرویجی ئەومەسەلانە دەكەن. 

لێرەوە بۆ چەندەمین جاریش بەهەموو لایەكی رادەگەیەنینەوە كە شیرین خانی كچی بەڕێز د.فوئاد مەعسوم هەرگیز هیچ پۆستێكی لە ماوەی سەرۆكایەتی كۆمارو نەپێشترو نەدواتر لە هیچ جومگەیەكی نزیكی باوكیەوە نەبوەو ئەو قسانە هەموی دورن لەراستیەوە كە گوایە لەسەرۆكایەتی كۆمار پۆستی هەبوە، وە شیرین خانیش وەك هەركەسێكی تر ئازادە هەڵگری چ بیروباوەڕێك و چ ئایدیایەكەو ئەوەش لەهەموو دنیا شتێكی ئاسایی و یاساییە، وەجەنابی دكتۆر فوئاد چەندین جاریش ئەوەی  دوپاتكردۆتەوە كە كچەكەی بەڕێزیان لەتەمەنێكی گەورەدایەو خاوەنی ماڵ و هاوسەری خۆیەتی و لەوڵاتێكی تر دەژیت و جەنابیان زۆر هەوڵیشیداوە كە بۆچون و روئیایەكانی واقعی بن و واز لەو جۆرە لێدوانانە بهێنێت كە بەهیچ شێوەیەك لەگەڵ دونیابینی بەڕێزیان یەك ناگرێتەوە ، بەڵام ئەو خاتونە لەتەمەنێكدا نیە كە ئاراستە بكرێت و خۆی ئازادە لە چ حزبێكدا كاردەكات و چی دەڵێت. 

 هیوادارین خەبات و ماندوبونی جەنابی د.فوئاد نەكرێتە دەستەچیلەی گڕبەردانی ناحەزانەی هیچ كەس و لایەنێك هەتا نزیكترین كەسیش بن لەبەڕێزیانەوە ، ئەم رونكردنەوەیەمان بەپێویستزانی بۆ بەرچاو روونی هەموولایەك . 

نوسینگەی د.فوئاد مەعسوم 

ئەندامی دەستەی دامەزرێنەری یەكێتیی نیشتمانیی كوردستان و سەرۆك كۆماری پێشوی عیراق 

21ی شوباتی 2021

 

PUKmedia 

ئەمانەش ببینە

زۆرترین خوێنراو

هەواڵەکان دەنێرین بۆ مۆبایلەکانتان

ئەپڵیکەیشنی

app دابەزێنە

Play store app store app
The News In Your Pocket