وتەبێژی حكومەت: وەزارەتی دارایی سەرپشككراوە بڕی لێبڕینی مووچە دیاریبكات

.

وتەبێژی حكومەت رایگەیاند: دابەشكردنی مووچە بەپێی ئەو داهاتە دەبێت كە لەبەردەستی حكومەتەو وەزارەتی دارایی سەرپشكە لەوەی بەپێی داهاتەكە لێبڕینەكە دیاری بكات. 

جوتیار عادل وتەبێژی حكومەتی هەرێم لەكۆنگرەیەكی رۆژنامەوانیدا لەبارەی دابەشكردنی مووچەوە رایگەیاند: لە 25ی ئەم مانگەوە بەپێی ئەو داهاتەی لەبەردەستی حكومەتە دەستبەدابەشكردنی مووچە دەكرێت، دیاریكردنی بڕی لێبڕینیش دەهێڵینەوەو وەزارەتی دارایی سەرپشكە بڕی لێبڕینەكە دیاری بكات.

راشیگەیاند: بۆ دابەشكردنی مووچە دەبێت بەجێبەجێكردنی رێنماییە تەندروستیەكان دابەشبكرێت، بەتایبەت دابەشكردنی مووچەی خانەنشینان. 

پێشتریش وتەبێژی حكومەت رایگەیاندبوو كە بڕیاردراوە لەمەودوا مانگانە بەپێی ئەو داهاتەی لەبەردەستی حكومەتە مووچەی فەرمانبەران دابەشبكرێت، بڕیاریشە لە 25ی ئەم مانگەوە دەستبەدابەشكردنی مووچە بكرێت، بەڵام تائێستا بڕی لێبڕینەكەی نەزانراوە. 

PUKmedia تایبەت