چەند بڕیارێك نوێ لەلیژنەی باڵای كۆرۆناوە

.

لیژنەی باڵای روبەڕووبونەوەی چەند بڕیارێكی نوێی دەركردو بڕیاریدا پرۆسەی خوێندن بەردەوام بێت و هاتووچۆش لەنێوان پارێزگاكانی هەرێم و عیراق تەنها رێگە بەوەفدی حكومی و دبلۆماسی بدرێت، هەر كەسێكیش ماسك بەكارنەهێنێت سزا بدرێت.

جوتیار عادل وتەبێژی حكومەتی هەرێم دوای كۆبوونەوەی لیژنەی باڵای روبەڕووبونەوەی كۆرۆنا لەكۆنگرەیەكی رۆژنامەوانیدا رایگەیاند: لیژنەی باڵای روبەڕووبونەوەی كۆرۆنا لەهەرێم بڕیاریدا پرۆسەی خوێندن لەناوەندەكانی پەروەردەو زانكۆكان بەردەوام بێت.

وتیشی: بۆ یادەكانی مانگی ئادار هیچ گردبوونەوەو چالاكییەكی جەماوەری رێگەی پێنادرێت و لیژنەی ئۆپراسیۆنی پارێزگاكان راسپێرداون بۆ جێبەجێكردنی و دەبێت لەبازگەكانی هاتووچۆی نێوان پارێزگاكانی هەرێم و عیراق تەنها رێگە بەهاتووچۆی وەفدی حكومی و دبلۆماسی بدرێت و هاتووچۆی گەشتیاران لەنێوان هەرێم و ناوچەكانی تری عیراق رادەگیرێت.

باسی لەوەشكرد كە لەمەودوا وەك پێشتر بەستنی ماسك جێبەجێ دەكرێت و دەسەڵاتیش دراوەتە لیژنەی باڵای ئۆپراسیۆنی پارێزگاكان كە رێكاری توند بگرنەبەرو هەركەسێك ماسك نەبەستێت سزا بدرێت.

لەبارەی سەردانی وەفدی هەرێم بۆ بەغداش ئەوەی خستەڕوو: ئەمڕۆ یان سبەینێ وەفدەكە دەگەڕێتەوە بۆ بەغداو ئەو رێككەوتنەی پێشتر كراوە لەگەڵ بەغدا ئەوە جێبەجێ دەكرێت.

PUKmedia تایبەت