دادگای تاوانەكانی بەرەنگاربوونەوەی گەندەڵی پێكهێنرا

.

دەستەی دەستپاكی هەرێم رایدەگەیەنێت، لەسەر داواكاریمان  ئەنجوومەنی دادوەری بڕیاریاندا بە پێكهێنانی دادگایەكی تاوان بۆ دادگاییكردنی سەرجەم تۆمەتبارانی تاوانەكانی گەندەڵی بەناوی (دادگای تاوانەكانی بەرەنگاربوونەوەی گەندەڵی).

دەستەی دەسپاكی هەرێمی كوردستان رایگەیاند: لەسەر داوای دەستەی دەسپاكی هەرێمی كوردستان و بە نووسراوی ژمارە (1/135) لە 2020/12/1، ئەنجوومەنی دادوەری، بە فەرمانی ژمارە 1/1/117 لە2021/2/18، بڕیاریاندا بە پێكهێنانی دادگایەكی تاوان بۆ دادگاییكردنی سەرجەم تۆمەتبارانی تاوانەكانی گەندەڵی بەناوی (دادگای تاوانەكانی بەرەنگاربوونەوەی گەندەڵی) لەسەر ئاستی هەرێمی كوردستان و تایبەتمەند دەبێت بە بینینی كەیسەكانی گەندەڵی.

راشیگەیاند: ئێمە لە دەستەی دەسپاكی هەرێمی كوردستان، دەستخۆشی لە ئەنجوومەنی دادوەری دەكەین و پێمان وایە ئەو هەنگاوە كاریگەرییەكی زۆر باشی دەبێت لەسەر بەرەوپێشبردن و رووبەڕووبوونەوەی گەندەڵی و خێراكردنی یەكلا كردنەوەی كەیسەكان لە دادگا.

PUKmedia راگەیاندنی دەستەی دەسپاكی هەرێمی كوردستان