وەزیری پێشمەرگە:دۆخەكە دەخوازێت روبەڕووی مەترسیەكان ببینەوە

وەزیری پێشمەرگە:دۆخەكە دەخوازێت روبەڕووی مەترسیەكان ببینەوە


21/2/2021 20:06:00
چاپ کردن
بە وێنەوە    بە بێ وێنە
           
.

وەزیری پێشمەرگە و فەرماندەی باڵای هێزی هاوپەیمانی نێودەوڵەتی دژ بەداعش، جەختدەكەنەوە لەسەر فراوانكردنی هەماهەنگی و هاوكارییە لۆجیستی و سەربازییەكان لەنێوان هێزی پێشمەرگەو هێزەكانی هاوپەیمانان بۆ روبەڕووبونەوەی  مەترسییەكانی ئێستای تیرۆریستان و جموجۆڵەكانیان، هاوكات بەبایەخەوە گفتوگۆكرا لە گرنگی رێككەوتنی نێوان وەزارەتی پێشمەرگە و وەزارەتی بەرگری عیراق بۆ پاراستنی ئاسایش و سەقامگیری ناوچەكە.‌ 

ئەمڕۆ 21ی2ی2021 شۆڕش ئیسماعیل، وەزیری پێشمەرگەی حكومەتی هەرێمی كوردستان، پێشوازیكرد لە جەنەڕاڵ كەڤن كۆپسی، جێگری فەرماندەی گشتی هێزەكانی هاوپەیمانی نێودەوڵەتی و جەنەراڵ پرینسیپێ، جێگر و نوێنەری هاوپەیمانی نێودەوڵەتی لە هەرێمی كوردستان و وەفدێكی سەربازی. 

لە كۆبوونەوەكەدا كە فەریق جمال محەمەد، سەرۆكی ئەركان و ئەفسەرانی باڵای وەزارەت ئامادەیبوون. 

 تیایدا هەردوولا دواین پێشهاتە سەربازییەكان و مەترسی سەرهەڵدانەوەو جمۆجۆڵە نائاساییەكانی  تیرۆرستانی داعش  بەدیاریكراوی لە  ناوچە كوردستانیەكانی دەرەوەی ئیدارەی هەرێم گفتوگۆی لەبارەوە كرا. 

وەزیری پێشمەرگە، ئاماژەی بۆ ئەوەكرد، دۆخی ئێستای عێراق و هەرێم  دەخوازێت هەمووان پێكەوە رووبەڕوی مەترسیەكان ببینەوە، وتیشی: هەوڵەكانی وەزارەتی پێشمەرگە بەردەوامە لە دروستكردنی چەند ناوەندێكی هاماهەنگی سەربازی لە گەڵ وەزارەتی بەرگری عیراق تا بەیەكەوە رێگری لە هەموو جۆرە كردەوەیەكی تیرۆرستی و ئاژاوەگێڕی بگیرێت، كە ئارامی و ئاسایشی ناوچەكە دەشێوێنێت. 

هاوكات ئاشكراشی كرد، جێگەی نیگەرانی ئێمەیە، كە لەمیانی دانوستانەكاندا وێڕای لێتێگەیشتنی باش كەچی لەمدوایەدا جۆرێك لەكەمتەرخەمی و پاشەكشە هەیە لەلایەنی عیراقی  و بەڕوونی هەست بەو سستیەو راگرتنی ئەو پڕۆسەیە دەكەین.  

 هەر لەو كۆبونەوەیەدا، پڕۆسەی رێفۆرمی سەربازی و خۆڕێكخستنەوەی هێزەكانی پێشمەرگە و پرسی بنكە هاوبەشەكانی نێوان وەزارەتی پێشمەرگە و وەزارەتی بەرگری عێراق گفتوگۆی لە بارەوە كرا. 

وەزیری پێشمـەرگە، بەگرنگیەوە باسی لە پڕۆسەی چاكسازی كرد لە وەزارەتی پێشمەرگە كر و رۆڵی راوێژكارانی هاوپەیمانی نێودەوڵەتی لەهاوكاری و هەمەهانگی رێفۆرمی سەربازی بەرزنرخاند. 

جەنەڕاڵ كۆپسی، ستایشی هەوڵەكانی وەزارەتی پێشمەرگەی كرد لە پڕۆسەی چاكسازی هێزەكانی پێشمەرگە و هەوڵەكانیان بۆ رێكخستنەوەی هێزەكان و بەردەوام بوونیان لە هەنگاونان بەرەو چاكسازی زیاتر ، هاوكات لەسەر پرسی سەرهەڵدانەوەو مەترسیەكانی تیرۆرستانی داعش رایگەیاند: هەموو هەوڵێك دەدەین بۆ رووبەڕوبوونەوەی تیرۆرستانی داعش لە ناوچەكەدا بۆ ئەم مەبەستەش هەموو پشتیوانیەكی لۆجیستی و سەربازی وەزارەتی پێشمەرگەو هێزەكان دەكەین و دەمانەوێت تیرۆر و تیرۆرستان بنبڕ بكەین و ئەمەش بەهەوڵی هەموان دەبێت. 

كۆبوونەوە، دووپاتیكردەوە لە بەردەوامیدان بە گفتوگۆی هەمەلایەنە لەسەر تەواوی پرسەكان و جێبەجێكردنی خێراتری بڕگەو بەرنامەكانی پڕۆسەی چاكسازی  لەوەزارەتی پێشمەرگەدا.

PUKmedia 

 

 

وێنە هەواڵ
  • image04
  • پاپای ڤاتیكان گه‌یشته‌ هه‌رێمی كوردستان

  • image04
  • به‌ ئاماده‌بوونی پاپا له‌ كه‌نیسه‌ی ماریوسف له‌ به‌غدا نوێژی قه‌داسه‌ ئه‌نجامدرا

  • image04
  • سیستانی چاوی به‌ پاپا كه‌وت

  • image04
  • لەکۆشکی سەرۆکایەتی پێشوازی لەپاپا دەکرێت

  • image04
  • لەمڕۆژەدا هاووڵاتیانی بازیان دیكتاتۆریان لەناوبرد

  • image04
  • ئاماده‌بوونی به‌رێزان ھاوسه‌رۆك كاك شێخ لاھورو كاك قوباد له‌ مه‌راسیمی ھاتنی پاپای ڤاتیكان له‌ كۆشكی كۆماری له‌ به‌غدا

  • image04
  • سلێمانی.. فلیمی 09 نمایش ده‌كرێت

  • image04
  • لەهەرێم كوتان بەڤاكسینی كۆرۆنا دەستيپێكرد


                                           

نەرویج.. لەمەراسیمێکدا تەرمی پێشمەرگەیەکی دێرین بەخاک دەسپێردرێت


ئەمڕۆ هەینی ١٩ی شوبات تەرمی دکتۆر شەهاب وەهاب ڕۆستەم لە رێوڕەسمێکدا لە گۆڕستانی ئەلفاسیت لە ئالنەبرۆ بە ئامادەبوونی خانەوادەو هاوڕی و هاوسەنگەرانی و نوێنەری چەندین پارت و ڕێکخراو کەسا...


  تێكۆشه‌رێكی دێرین یه‌كێتی كۆچی دوایی كرد
  ئه‌ڵمانیا.. چله‌ی ماته‌مینی شیهاب عوسمان به‌ڕێوه‌چوو
                                           

درۆی لامه‌ركه‌زی له‌كابینه‌ی نۆدا


رێكه‌وت زه‌كی ئه‌ندامی ئه‌نجومه‌نی پارێزگای سلێمانی له‌چاوپێكه‌وتنێكدا بۆ PUKmedia وتی: لامه‌كه‌رزی ئیدار...


  پسپۆڕێكی ئابووری له‌باره‌ی گۆڕینه‌وه‌ی دۆلار ئامۆژگاری هاووڵاتیان ده‌كات
  كاریگه‌ری شه‌ڕی عیراق-ئێران له‌سه‌ر گونده‌كان ماوه‌
                                           

سەردانی پاپا بۆ نزیكردنەوەی ئایینەكان و پاڵپشتی عیراق گرنگە

شەقامی عیراق و عەرەبی و جیهان چاودێری ئەو سەردانە مێژووییەی پاپا فرەنسیس دەكەن كەوا بڕیارە رۆژی هەینی داهاتوو 5ی ئازاری 2021 سەردانی عیراق بكات، لەو كاتەوەی سەرۆكایەتی كەنیسەی كاسۆلیك دەك...


  گوزەری ھەورامییەكان لە سلێمانی
  هۆڵەندا: هەڵوەشانەوەی حکومەت و هەڵبژاردنی داهاتوو


کاریکاتێر