ناوخۆی هەرێم دامەرزاندن بۆ بەڕێوەبەرایەتییەكی هەولێر دەكاتەوەو ژمارەی ئەوانەشی وەك پۆلیسی پیادە دادەمەزرێنرێن 184 كەس دەبێت.

وەزارەتی ناوخۆی هەرێم لە ئاگادارییەكدا دەڵێت: وەزارەتی ناوخۆ پێویستی بە دامەزراندنی (184) كەس هەیە وەك پۆلیسی پیادە لەسەر میلاكی بەرێوەبەرایەتی پۆلیسی گشتی و بەڕێوەبەرایەتی پۆلیسی پارێزگای هەولێر.

لەبارەی مەرجەكانیش بۆ دامەرزاندنی ئەو كەسانە ئەوەی خستوەتەڕوو كە دەبێت ئەم مەرجانەی خوارەوەی تێدا بێت.

یەكەم / پسپۆڕی:

1. دەرچووی ناوەندی: (50) كەس.

2. دەرچووی ئامادەیی (زانستی ، وێژەیی، بازرگانی، پیشەسازی): (50) كەس.

3. دەرچووی پەیمانگای كۆمپیوتەر: (25) كەس.

4. بەكالوریوس لەم پسپۆڕیانەی خوارەوە: (59) كەس.

أ‌. بایلۆجی.

ب‌. كیمیا.

ت‌. فیزیا.

پ‌. زانستی كۆمپیوتەر / ئەندازەیی كۆمپیوتەر.

ج‌. بكالۆریوس بەشێوەی گشتی.

دووەم/ مەرجەكانی پێشكەشكردنی داواكاری:

1. بۆ رەگەزی نێر درێژی لە (170 سم) كەمتر نەبێت و بۆ رەگەزی مێ لە (160 سم) كەمتر نەبێت.

2. تەمەنی لە (18) ساڵ كەمتر نەبێت و لە (35) ساڵ زیاتر نەبێت.

سێیەم/ هەر (25) كەس لەسەر (1) یەك پلەی وەزیفی پێشبڕكی دەكەن.

چوارەم/ دوای پۆڵینكردنی فۆڕمەكان بەشێوازی تیروپشك ئەو (184) پلە وەزیفیە یەكلادەكرێتەوە. 

رێنمایی پڕكردنه‌وه‌ی فۆڕمی دامه‌زراندن

PUKmedia