تەندروستی هەرێم: رۆژانە نەوەی نوێی كۆرۆنا دیاریدەكرێت

.

وەزیری تەندروستی هەرێم هۆشداری دەداتە هاووڵاتیان و رایدەگەیەنێت: ژمارەی توشبون بەكۆرۆنا لەبەرزبوونەوە دایەو حاڵەتەكانی توشبوون بەزنجیرەی نوێی ڤایرۆسی كۆرۆنا هەیەو رۆژانە ئەم جۆرە ڤایرۆسە نوێیە دەستنیشان دەكرێت و گواستنەوەی خێراترە.

د.سامان بەرزنجی وەزیری تەندروستی هەرێم لە راگەیەنراوێكیدا هۆشداری دەدات لەزیادبوونی ژمارەی توشبون بەكۆرۆناو رایگەیاند: ژمارەو رێژەی تووشبوون بە ڤایرۆسی كۆڕۆنا لەبەرزبوونەوە دایە، حاڵەتەكانی گومانلێكراو بەتوشبوون بەزنجیرەی نوێی ڤایرۆسی كۆرۆنا دڵنیاكرایەوە كە بوونی هەیە و رۆژانە ئەم جۆرە ڤایرۆسە نوێیە دەستنیشان دەكرێت و گواستنەوەی خێراترە.

دەشڵێ: تكایە ئاگاداری خۆتان و منداڵەكانتان بن، 

لەبەركردنی ماسك و دووركەوتنەوە لەیەكتر تا ئێستاش گرنگترن رێكاری خۆپارێزیە، هەموومان پێكەوە دەتوانین دۆخەكە تێپەڕێنین، پابەندبوونی هاووڵاتیان رێكاری سەرەكی كەمكردنەوەی ترسناكییە.

PUKmedia