بۆ یه‌كه‌مجار له‌هه‌رێم كۆرۆنای گۆڕاو تۆمار كرا

.

وه‌زاره‌تی ته‌ندروستی حكومه‌تی هه‌رێمی كوردستان ڕایگه‌یاند به‌ ڕه‌سمی چه‌ند حاڵه‌تێكی كۆرۆنای گۆڕاو له‌ هه‌رێم تۆمار كراوه‌.

ئاسۆ حه‌وێزی وته‌بێژی وه‌زاره‌تی ته‌ندروستی حكومه‌تی هه‌رێمی كوردستان ڕایگه‌یاند ئه‌و چه‌ند حاڵه‌ته‌ گومانلێكراوانه‌ی كه‌ پێشتر ڕامانگه‌یاندبوو ئه‌نجامی پشكنینه‌كه‌یان به‌ ئه‌رێنی ده‌رچووه‌ و هه‌ڵگری ڤایرۆسی كۆرۆنای گۆڕاون.

وتیشی: پێنج حاڵه‌تی كۆرۆنای گۆڕاو له‌ هه‌ولێر تۆماركراوه‌، داواشی له‌ هاووڵاتیان كرد كه‌ خۆپارێزی زیاتر بكه‌ن له‌پێناو پاراستنی گیانی خۆیان و كه‌سوكاریان.

ئه‌مه‌ش له‌كاتێكدایه‌ بۆ یه‌كه‌مجاره‌ له‌ لایه‌ن وه‌زاره‌تی ته‌ندروستی هه‌رێمه‌وه‌ به‌ ڕه‌سمی تووشبوون به‌ كۆرۆنای گۆڕاو له‌ هه‌رێم ڕابگه‌یه‌ندرێت.

PUKmedia کوردساتنیوز