سلێمانی .. تەقەكەرێك دەستگیركرا

.

لەلایەن هێزەكانی بەرێوبەرایەتی پۆلیسی سلێمانی تەقەكەرێكی رووداوەكەی سەهۆڵەكەی سلێمانی دەستگیركرا.

راگەیاندنی پۆلیسی پارێزگای سلێمانی ئاشكرایكردوە:"  دوای ئەوەی ڕوداوێكی تەقەكردن لەشاری سلێمانی (شەقامی سالم - سەهۆڵەكە) ڕویدا، مەفرەزەكانی بنكەی پۆلیسی ڕزگاری دەستبەجێ‌ گەیشتنە شوێنی ڕوداوەكەو توانرا تەقەكەرەكە دەستگیربكرێت، ھەروەھا دەستیشگیرا بەسەر ئوتۆمبێلی تۆمەتباردا.

رونیشكراوەتەوە:" پاش وەرگرتنی بڕیاری بەڕێز دادوەر، لەلایەن ھێزەكانی پۆلیسەوە ماڵی تۆمەتبار پشكنراو توانرا دەستبگیرێت بەسەر پارچەیەك چەك و چەندین فیشەكدا.

ئاماژە بەوەشدراوە:" لە ئێستادا تەقەكەرەكە بەبڕیاری بەڕێز دادوەر ڕاگیراوەو لێكۆڵینەوە لەگەڵیدا بەردەوامە.

PUKmedia بەڕێوەبەرایەتی پۆلیسی پارێزگای سلێمانی – ڕاگەیاندن و پەیوەندییەكان