به‌ره‌و په‌یوه‌ندیه‌كی به‌هێزی بازرگانی

.

كۆبونه‌وه‌ی ده‌وری ژووره‌ بازرگانیه‌كانی عێراق و هه‌رێمی كوردستان ڕۆژی (10/2/2021) له‌ سلێمانی به‌ڕێوه‌چوو له‌ هۆڵی ژووری بازرگانی به‌ سه‌رپه‌رشتی به‌ڕێزان (دارا جلیل خه‌یات) سه‌رۆكی ژووره‌ بازرگانیه‌كانی هه‌رێم و (سیروان حاجی محمد) سه‌رۆكی ژووری بازرگانی و پیشه‌سازی سلێمانی له‌م كۆبونه‌وه‌یه‌دا سه‌رۆكی ژووره‌ بازرگانیه‌كانی هه‌رێم و عێراق واته‌ سه‌رۆكی سه‌رجه‌م ژووره‌ بازرگانیه‌كانی شاره‌كانی عێراق ئاماده‌ی كۆبونه‌وه‌كه‌ بوون ، له‌ كۆبونه‌وه‌كه‌دا شه‌نوكه‌وی خاڵ و بڕگه‌كانی به‌رنامه‌ی كۆبونه‌وه‌كه‌ كراو به‌بیروڕای هه‌موو لایه‌ك باس و لێكۆڵینه‌وه‌ له‌سه‌ر په‌یوه‌ندی بازرگانی و ئابووری له‌ نێوان هه‌رێم و عێراق ئه‌نجام درا به‌ مه‌به‌ستی كاركردن وه‌كو یه‌ك تیم له‌سه‌ر ئاستی عێراق و هه‌رێم و ووڵاتانی ده‌وروبه‌ر و بیانی ، هه‌وڵدان بۆ لابردنی ئه‌و به‌ربه‌ستانه‌ی له‌ نێوان هه‌رێم و شاره‌كانی عێراق دا هه‌یه‌ بۆ ئه‌وه‌ی ئاڵوگۆڕی بازرگانی به‌ شێوه‌یه‌كی ئاسایی به‌ڕێوه‌بچێت ، هه‌موو لایه‌ك هه‌وڵبده‌ن له‌ ڕێگه‌ی لایه‌نی په‌یوه‌ندیداری میری عێراق و هه‌رێمی كوردستان كارئاسانی ته‌واوه‌تی بكرێت بۆ بازرگانان و كۆمپانیا و وه‌به‌رهێنه‌ران به‌هره‌ و توانا و سه‌رمایه‌كانیان له‌ ته‌واوی عێراق و هه‌رێم به‌بێ به‌ربه‌ست بخه‌نه‌ گه‌ڕ له‌ هه‌مان كاتیشا په‌یوه‌نیه‌ بازرگانی و ئابوریه‌كان له‌سه‌ر ئاستی نێوده‌وڵه‌تی به‌دید و بۆچونی هاوبه‌ش به‌ڕێوه‌به‌رن بۆ گه‌شه‌ و به‌ره‌و پێشبردنی بواری ئابوری و بازرگانی له‌سه‌رانسه‌ری عێراق و هه‌رێمی كوردستان.
ئه‌م هه‌نگاوانه‌ له‌ ڕووی بازرگانی و ئابوری په‌یوه‌ندیه‌كان له‌ نێوان بازرگانانی شاره‌كانی عێراق و هه‌رێم به‌هێز ده‌كات له‌ كۆی ئه‌م كاروچالاكیانه‌ ئابوری هاوبه‌ش به‌هێز ده‌كات ، هه‌موو لایه‌ك ئه‌و ڕاسته‌یه‌ ده‌زانین ئابوری و سیاسه‌ت یه‌ك دراون دووروی جیاوازیان هه‌یه‌ ئابوری هاوبه‌ش سه‌قام گیری سیاسی و ئابوری به‌رجه‌سته‌ ده‌كات كاریگه‌ری ڕاسته‌وخۆی ده‌بێت بۆ سه‌رلایه‌نه‌ سیاسیه‌كانی عێراق بیروڕای هاوبه‌شیان هه‌بێت له‌سه‌ر به‌رژه‌وه‌ندی باڵای عێراق و هه‌رێمی كوردستان بۆ ئه‌وه‌ی ژیان و گوزه‌رانی كۆمه‌ڵانی خه‌ڵكی هه‌رێم و عێراق له‌ڕووی ئابورییه‌وه‌ سه‌قام گیر بێت و مل ملانێی سیاسیه‌كان تێكه‌ڵ به‌به‌رژه‌وه‌ندی گشتی و گوزه‌رانی هاوڵاتیان نه‌كرێت وه‌كو ئێستا هه‌نێك لایه‌ن سیاسی عێراق ئه‌و ڕێبازه‌ نا دروسته‌ به‌رانبه‌ر به‌ بودجه‌ و قوتی خه‌ڵكی كوردستان به‌كار ده‌هێنێت به‌ بیانوی نا به‌جێ هه‌موولایه‌ك ده‌بێت ئه‌وه‌ بزانین له‌ دروستبونی ده‌وڵه‌تی عێراقیه‌وه‌ بازاڕ و بازرگانی له‌ نێوان بازرگانانی شاره‌كانی كوردستان و عێراق هاوبه‌ش بووه‌ له‌سه‌ر بنه‌مای بڕوابون به‌ یه‌كتر كاوچالاكی بازرگانیان له‌سه‌ر ئاستی ناوخۆ و نێوده‌وڵتی به‌ڕێوه‌ بردووه‌ پێویسته‌ ئه‌م كار و به‌رنامه‌ هاوبه‌شه‌ ئابووری و بازرگانیه‌ به‌رده‌وام بێت ..

عه‌بدوڵڵا حاجی سه‌عید

PUKmedia تایبه‌ت