چۆن پێستت لە وشکبونەوە دەپارێزیت؟
هەمەرەنگ 06:15 PM - 2021-02-17.
وشک بوونی پێست حاڵەتێکە ڕوو دەدات کاتێک پێست بڕێکی زۆر لە ئاو و چەوری لەدەست دەدات. وشکبوونی پێست باوە و دەکرێت کار بخاتە سەر هەر کەسێک لە هەر تەمەنێک بێت.
نیشانەکانی وشکی پێست :
بونی توێژاڵ یان کڕێش لەسەر پێست.
خوران.
توند بونی پێست لەدوای شۆردن یان خۆستن.
ڕوشانی پێست کە لەوانەیە ببێتە هۆی برین و بریندار بوون.
هەست کردن بە وشکی و ڕەق بونی پێست.
هۆکاری دەرەکی:
١- گۆڕین و ووشکی وەرز بە تایبەت لە زستان و پایز. ئەمەش دەگەڕێتەوە بۆ دابەزینی ڕادەی شێی هەوا و بەکارهێنانی گەرمکەرەوە کە هەوای ژوورەوە گەرم و ووشک ئەکات.
٢- زۆر بەکارهێنانی ماکیاژ و ماددە کیمیایەکان و سابوونی ووشکەرەوە.
٣- زۆر خۆشۆردن بە سابوون. بۆ ئەوەی پارێزگاری لە شێداری پێستمان بکەین ئەبێت هەفتەی دوو جار بە سابوون خۆمان بشۆرین و لەوە زیاتر تووشی ووشکبونەوەی پێست ئەبین.
٤- زۆر بەرکەووتنی تیشکی خۆر وگەرمی کە دەبێتە هۆی ووشکبوون و چرچبوونی پێست.
٥- هەستیاری پێست بۆ جل و بەرگ بە تایبەت بۆ خوری.
٦- پەستان بۆ سەر پێست دەبێتە هۆی ووشک بوون و قڵیشان وەکو قڵیشانی پاژنە پێی.
هۆکاری ناوەکی:
۱-بوونی نەخۆشی ئیکزیما و سەدەف و دەردەماسی و شەکرە و ڕەبوو.
۲- کەم خواردنەوەی ئاو و کەمی ئاو لە لەش بە هۆی سکچوون و ناتەواوی ڕیخۆڵە.
۳- بەتەمەندا چوون.
٤- بەکارهێنانی چارەسەر و دەرمان بۆ نەخۆشی .
٥- بوونی نەخۆشی دەرونی و وەسواسی پاکوخاوێنی کە دەبێتە هۆی زۆر خۆشۆردن و دەست شۆردن .
گرنگترین رێنماییەکانی پزیشکانی پێست
دژەخۆر باشترین ڕێگرە لە پیربوونی پێست:
٩٠%ی هەموو گرفتەکانی پیربوونی پێست دەگەڕیتەوە بۆ بەکارنەهێنانی دژەخۆر و پێویستە دژەخۆر لە لایەن هەموو کەسێکەوە بەکاربهێنرێت.
-بەرهەمەکانی شیدارکردنەوەی پێست (Moisturizer) نابێت هەرگیز فەرامۆشبکرێت:
وشکبوونەوەی پێست یەکێکە لە باوترین گرفتی پێست و زۆر گرنگە بەرهەمەکانی شیدارکردنەو و زیادکردنی تەڕێتیی پێست پشتگوێ نەخرێت.
- پێستی هەستیار دەبێت بە شێوازێکی تایبەتیی مامەڵەی لەگەڵ بکرێت:
دەبێت گشت ئەو بەرهەمانەی لە پێکهاتەکانیاندا بۆن و مادەی هەوکەرەوەیان تێدایە، لاببرێن و هەموو بەرهەمەکانی پێست نەرمونیان و هێمنکەرەوە بن لەسەر پێست.
- سەردانکردنی پزیشکی پێست:
بەشێک لە گرفتەکانی پێست تەنها بە هاوکاری پزیشکانی پێست چارەسەر دەکرێن. پێویستە بە بەردەوامیی سەردانی پزیشکانی پێست بکرێت بەتایبەت ئەگەر توانای چارەسەرکردنی گرفتەکانی پێستت نەبێت.
- بەردەوامی لە بایەخدان و چاودێریکردنی تەندروستی پێست:
گرنگە بەردەوام بین لەسەر بەکارهێنانی بەرهەمە بەسودەکانی پێست و خۆڕاگر بین لە دەستکەوتنی ئامانجەکانی پێست چونکە پێویستییان بە کاتە بۆ ئەوەی بەدەستبهێنرێن.
ئەو ماسکانەی پێست لە وشکبونەوە دەپارێزن
١-کەمێک مۆز بهێنە و لەگەڵ ئەڤۆگادۆ تێکەڵی بکە لە دەفرێکدا، پاشان هەنگوین و زەیتی زەیتونی تێکەڵ بکە لەگەڵ کەمێک هاڕڕاوەی توێکڵی هێلکە و بیدە لە خەڵاتە، پاش تێکەڵکردنی بیدە لە پێستی دەموچاوت بۆ ماوەی ٢٠ دەقیقە دواتر بیشۆ، ئەم ماسکە دەوڵەمەندە بە خۆراکی سودبەخش بۆ پێست و خاوێنی دەکاتەوە.
٢-خەیار سەوزەیەکی ئاودارە و لە ٩٠٪ پێکهاتووە لە ئاو، ئەمەش باشترین هاوکاریە بۆ پێست، چونکە دژە ئۆکسانە و پێست لە وشکبوونەوە و دەپارێزێت و دەیگەشێنێتەوە، خەیارەکە بدە لە خەڵاتە و کەمێک ماستی تێبکە، لەگەڵ چەند دڵۆپێک زەیتی زەیتون، پاشان بیدە لە دەموچاوت بۆ ماوەی ٢٠ دەقیقە و بە ئاوی شلەتێن بیشۆ.
٣-ماسکی هەنگوین و زەیتی زەیتون کە یەکێکە لە ماسکە شێدار و بەسوودەکان بۆ پێست و دژە بەکتریایە، و خۆراک بە پێست دەدات و دەیگەشێنێتەوە.
٤-ماسکی چای سەوز و هەنگوین، بەهەمان شێوەی پێویستە بۆ ماوەی ٢٠ دەقیقە بەپێستەوە بێت پاشان بە ئاوی شلەتێن بیشۆ.
تێبینی: بەبێ پرسی پزیشکی پسپۆڕ و شارەزایانی بواری جوانکاری هیچ ماسکێک بەکارمەهێنە.
PUKmedia
هەواڵی زیاتر
-
قوباد تاڵەبانی بۆ خوێندکاران: بەسیاسەتی چەپکە گوڵەکەی مام درێژە بەخەبات بدەن
07:59 PM - 2024-04-26 -
داهاتی یەک هەفتەی سلێمانی زیاتر لە 20 ملیارە
09:29 AM - 2024-04-26 -
شاڵاو کۆسرەت رەسوڵ: باشترین خزمەتگوزاری پێشکەش بکرێت
07:44 PM - 2024-04-25 -
شاڵاو کۆسرەت رەسوڵ: لیژنە بۆ رووداوی کوشتنی خەسرۆ گەردی پێکبهێنرێت
04:57 PM - 2024-04-25
ئەمانەش ببینە
قوباد تاڵەبانی: لێکۆڵینەوەی ورد لەو هێرشە درۆنییەی کۆرمۆر بکرێت
08:58 PM - 2024-04-26
سەرۆک بافڵ: خوێندکاران رۆحی ئەم کۆمەڵگەیەن
06:58 PM - 2024-04-26
زیاتر لە 108 هەزار دەنگدەری هەرێم كارتی بایۆمەتری وەردەگرنەوە
09:59 AM - 2024-04-26
وتهبێژی كۆمسیۆن: 10ی ئایار بانگەشەی هەڵبژاردن دەستپێدەکات
01:36 PM - 2024-04-25
زۆرترین خوێنراو
-
داوای لێکۆڵینەوەی بەپەلە لە هێرشە درۆنییەکەی کۆرمۆر دەکرێت
کوردستان 09:51 PM - 2024-04-26 -
قوباد تاڵەبانی: لێکۆڵینەوەی ورد لەو هێرشە درۆنییەی کۆرمۆر بکرێت
کوردستان 08:58 PM - 2024-04-26 -
قوباد تاڵەبانی بۆ خوێندکاران: بەسیاسەتی چەپکە گوڵەکەی مام درێژە بەخەبات بدەن
کوردستان 07:59 PM - 2024-04-26 -
سەرۆک بافڵ: خوێندکاران رۆحی ئەم کۆمەڵگەیەن
کوردستان 06:58 PM - 2024-04-26 -
هاوخەمی قوباد تاڵەبانی بۆ کۆچی دوایی ئەیوب محەمەد
پرسەنامە 12:33 PM - 2024-04-26 -
یەک لە سوارچاکانی قازان
بیروڕا 10:03 AM - 2024-04-26 -
زیاتر لە 108 هەزار دەنگدەری هەرێم كارتی بایۆمەتری وەردەگرنەوە
کوردستان 09:59 AM - 2024-04-26 -
داهاتی یەک هەفتەی سلێمانی زیاتر لە 20 ملیارە
کوردستان 09:29 AM - 2024-04-26