لۆگۆی تایبه‌ت به‌ یادی كیمیابارانی هه‌ڵه‌بجه‌ دروست ده‌كرێت

.

لۆگۆی تایبه‌ت به‌ یادی 33 ساڵه‌ی كیمیابارانی هه‌ڵه‌بجه‌ دروست ده‌كرێت و به‌ڕێوه‌به‌رایه‌تی گشتی شه‌هیدانیش داوا ده‌كات ئه‌وانه‌ی ده‌یانه‌وێت دروستی بكه‌ن له‌ماوه‌ی هه‌فته‌یه‌كدا بۆیان بنێرن.

له‌ئاگادارییه‌كدا كه‌وێنه‌یه‌كی بۆ  PUKmedia نێردراوه‌، به‌ڕێوه‌به‌رایه‌تی گشتی كاروباری شه‌هیدان و ئه‌نفالكراوانی هه‌ڵه‌بجه‌ ڕایده‌گه‌یه‌نێت : بانگێشتی (ھونه‌رمه‌ندان و دیزاینه‌ران و ئاره‌زومه‌ندان و ئه‌وانه‌ی شاره‌زان له‌ دروستكردنی لۆگۆ) له‌ سنووری پارێزگای ھه‌ڵه‌بجه‌ ده‌كه‌ین، بۆ مه‌به‌ستی دروستكردنی لۆگۆی تایبه‌ت به‌ یادی 33 ساڵه‌ی كیمیابارانی ھه‌ڵه‌بجه‌ .

له‌ئاگادارییه‌كه‌دا ئه‌وه‌ش هاتووه‌ :
ھه‌ركه‌س ئاره‌زوومه‌نده‌ ده‌توانێت له‌ماوه‌ی یه‌ك هه‌فته‌دا واته‌ له‌ 14-2 بۆ 20-2 لۆگۆی دروستكراوی خۆیان بنێرن بۆ په‌یجی به‌ڕێوه‌به‌رایه‌تی گشتی كاروباری شه‌ھیدان ئه‌نفالكراوانی ھه‌ڵه‌بجه‌ .

ئاماژه‌ به‌وه‌شكراوه‌: دواتر هه‌ڵسه‌نگاندن بۆ لۆگۆكان ده‌كرێت و لۆگۆی تایبه‌ت به‌ یادی 33 ساڵه‌ی كیمیابارانی ھه‌ڵه‌بجه‌ له‌لایه‌ن لیژنه‌ی سه‌رپه‌رشتیاره‌وه‌ هه‌ڵده‌بژێردرێت.

PUKmedia كۆسار مه‌حمود