نوسینگەی جەعفەر شێخ مستەفا روونكردنەوەیەكی لەبارەی رووداوەكەی ئەمڕۆی بازگەی تاسڵوجە بڵاوكردەوەو رایدەگەیەنێت:دەستبەجێ فەرمانماندا هەر كەسێك دەستی هەبووە لەو رووداوە رووبەڕوی یاسا بكرێتەوەو ئەو پێشمەرگانەمان دەستبەجێ رادەستكرد كە بەشداری ئەو ئاڵۆزییە بوون، خۆشمان بە بەشێك لە ئاسایشی ئەم هەرێمە دەزانین و هەموو كات ئامادەین بۆ پارێزگاریكردن لەسەروەری یاسا.

ڕوونكرنەوەیەك لە نوسینگەی تایبەتی شێخ جەعفەر شێخ مستەفا 

سەرلەبەیانی ئەمڕۆ ڕێكەوتی ١٠/٢/٢٠٢١ لە بازگەی دەروازەی تاسلوجە، ئاڵۆزیەك دەكەوێتە نێوان چەند پێشمەرگەیەك و برایانی ئاسایشی سلێمانی كە بە داخەوە بوە هۆی شەهید بوونی برایەكی ئاسایش بە ناوی (شاخەوان ئەحمەد محمد)، لێرەوە پرسە و سەرەخۆشی خۆمان ڕادەگەیەنین لە خوای گەورە داواكارین كە گیانی پاكی بە بەهەشتی بەرین شاد بكات.

لە كاتی ئاگاداركردنمان لەم ڕووداوە ئانیە، دەست بەجێ فەرمانمان دا كە هەر كەسێك دەستی هەبووە لەو ڕووداوە، ڕووبەڕوی یاسا بكرێتەوە، بۆیە ئەو پێشمەرگانەمان دەست بەجێ ڕادەستكرد كە بەشداری ئەو ئاڵۆزییە بوون، ئێمە خۆمان بە بەشێك لە ئاسایشی ئەم هەرێمە دەزانین، هەموو كات ئامادەین بۆ پارێزگاریكردن لە سەروەری یاسا.

 نوسینگەی تایبەت

PUKmedia