به‌ره‌و سه‌قامگیری و ئارامی

.

شۆڕشی نوێی گه‌له‌كه‌مان به‌ ڕابه‌رایه‌تی یه‌كیه‌تی نیشتمانی كوردوستان له‌ خه‌باتێكی سه‌ختی درێژخایه‌ندابوو له‌ پێناوی ئازادی و سه‌رفرازی و خۆشگوزه‌رانی كۆمه‌ڵانی خه‌ڵكی كوردوستان ئه‌وه‌ ئامانجی بنه‌ڕه‌تی شۆڕش و (ی.ن.ك) بوو ئێستاش له‌ سایه‌ی حوكومڕانی حكومه‌تی هه‌رێمی كوردوستان یه‌كیه‌تی له‌ و به‌رنامه‌ بنه‌ڕه‌تیه‌ی خۆی لاندات ڕێگه‌ نادات مافیاو گێره‌شێوه‌نه‌كان له‌ هه‌ر ئاست و پله‌یه‌كی ئیداری و حیزبی دا بن ده‌سه‌ڵاته‌كانی خۆیان بۆ به‌رژه‌وه‌ندی و مافیاگه‌ری به‌كاربێنن له‌ ته‌واوی هه‌رێمی كوردوستان به‌ تایبه‌تی له‌ زۆنی سه‌وز دوای چه‌ند ڕوداوێكی نه‌خوازراو له‌ ناو شاری سلێمانی و ده‌وروبه‌ری هه‌ڤاڵانی به‌ڕێز هاوسه‌رۆكان هاتنه‌ سه‌ر هێل و به‌رنامه‌ڕێژیان كردووه‌ بۆ له‌ناوبردن و بنه‌بڕكردنی هه‌موو جۆره‌ گروپێك كه‌ بیانه‌وێ ئارامی و سه‌قامگیری تێكبده‌ن . وتاره‌ به‌ نرخه‌كه‌ی هه‌ڤاڵی به‌رێز كاك باڤڵ تاڵه‌بانی له‌ كۆبونه‌وه‌ی فراوانی ڕێكخراوه‌ دیموكراتیه‌كان ده‌نگدنه‌و ڕه‌نگدانه‌وه‌یكی زۆری هه‌بوو له‌ ناو كۆمه‌ڵانی خه‌ڵكی كوردوستان به‌ سه‌رجه‌م چین و توێژه‌كانه‌وه‌ جێگه‌ی  دڵخۆشی هه‌موو لایه‌ك بوو. هه‌رێمی كوردوستان به‌ گشتی زۆنی سه‌وز به‌ تایبه‌تی ئه‌بێت سه‌قامگیربێت ئارامی و ئاسایش به‌رقه‌رار بێت خه‌ڵكی له‌ سه‌رجه‌م شار و ناوچه‌و گونده‌كان دڵنیا بێت سه‌ر و ماڵ و ژیانی پارێزراوه‌  ئه‌بێت یاسا سه‌روه‌ر بێت به‌رژه‌وه‌ندی گشتی پارێزراو بێت هه‌ر له‌ سایه‌ی یاسا و         به‌ر قه‌رار بوونی ئارامی و سه‌قامگیری دا وڵات له‌ سه‌رجه‌م بواره‌كاندا گه‌شه‌ ده‌كات له‌ بواری سیاسی و كۆمه‌ڵایه‌تی ئابوری و گه‌شه‌ی بازاڕ و بازرگانی  كه‌وابوو ده‌بێت له‌ ژێر سایه‌ و ده‌سه‌ڵاتی (ی.ن.ك) و لایه‌نی په‌یوه‌ندیدار له‌ حكومه‌تی هه‌رێم .كۆمه‌ڵگه‌ی كورده‌واری ژیانی خۆشی وخۆش گوزه‌رانی به‌سه‌ر به‌رێت.

عه‌بدوڵڵا  حاجی سه‌عید

PUKmedia تایبه‌ت