riklam

مەڵبەندی كەركوك:ئامانجی رووداو ئاشوب و ئاژاوەیە

ی.ن.ک‌‌ 09:00 PM - 2021-02-08
.

.

مەڵبەندی كەركوكی یەكێتی لەوەڵامێكیدا بۆ رووداو دەڵێت: وەك زۆر جاری تر هەواڵێكی ناراست و بێ بنەمای بڵاوكردۆتەوە، سەرچاوەی زانیارییەكانی دروستكراون و هیچ بنەمایەكی راستیان نیەو ئامانج لێی دروستكردنی ئاشوب و ئاژاوەیە، راشیدەگەیەنێت:هاوسەرۆكانی یەكێتی و سەركردایەتی یەكێتی، لەخەمی چارەسەركردنی كێشەكانی كەركوك و ناوچە دابڕێنراوەكان و دابینكردنی مووچەو بودجەی هەرێمی كوردستاندان

لێپرسراوی مەڵبەندی كەركوكی یەكێتی هەواڵێكی رووداوی بەدرۆ خستەوە

ئەمڕۆ كەناڵی رووداو،  وەك زۆر جاری تر هەواڵێكی ناراست و بێ بنەمای بڵاوكردۆتەوە كە گوایە بەشێك لەسەركردایەتی یەكێتی لەكەركوك دەست لەكار دەكێشنەوە، لێرەوە بۆ رای گشتی رایدەگەیەنین، ئەو هەواڵ و سەرچاوەی زانیارییە هەڵبەستراو و دروستكراون و هیچ بنەمایەكی راستیان نیە. 

ئامانج لێی دروستكردنی ئاشوب و ئاژاوەیە، لەكاتێكدا یەكێتی و هاوسەرۆكانی یەكێتی و سەركردایەتی یەكێتی، لەخەمی چارەسەركردنی كێشەكانی كەركوك و ناوچە دابڕێنراوەكان و دابینكردنی مووچەو بودجەی هەرێمی كوردستاندان.

ئێمەی یەكێتییەكان لەكەركوك و سەركردایەتی یەكێتی، بەیەك تیم لەهەموو ئاست و بوارەكاندا كاردەكەین و پابەندین بەبڕیارەكانی سەركردایەتی و هاوسەرۆكان، كە هەموویان لەخزمەت بەرژەوەندی گەلی كوردو كوردستان و بەرژەوەندی هاووڵاتیاندایە.

محەمەد عوسمان

لێپرسراوی مەڵبەندی كەركوكی یەكێتیی نیشتمانیی كوردستان

PUKmedia 

ئەمانەش ببینە

زۆرترین خوێنراو

هەواڵەکان دەنێرین بۆ مۆبایلەکانتان

ئەپڵیکەیشنی

app دابەزێنە

Play store app store app
The News In Your Pocket