ئەمریكا:لێپرسینەوە لەوانە بكرێت كە بەرپرسن لەتاوانی ئێزدییەكان

.

كونسوڵی ئەمریكا رایگەیاند: پشتیوانی باشكردنی دۆخی هاووڵاتیانن لەشەنگال و ئاسانكاری بۆ گەڕانەوەی ئارەزوومەندانەی ئاوارە ئێزدییەكان بۆ سەر زێدی خۆیان، باڵیۆزی ئەمریكاش رایدەگەیەنێت: لێپرسینەوە لەوانە بكرێت كە بەرپرسن لە ئەنجامدانی ئەو تاوانكارییەی كە دەرهەق بە ئێزدییەكان كراوە.

روب واڵەر كونسوڵی ئەمریكا لەهەولێر لەمیانی پێشوازیكردنی لە نادیە موراد، چالاكوانی دیاری ئێزدی و هەڵگری خەڵاتی نۆبڵ بۆ ئاشتی رایگەیاند: وڵاتەكەی بەپەرۆشەوە یادی قوربانیانی جینۆسایدی ئێزدییەكان دەكات، بەتایبەتی ئەو قوربانیانەی دوێنێ‌ بەخاك سپێرران.

كونسوڵگەری ئەمریكا لەهەولێر لەراگەیەنراوێكدا كە PUKmedia بەدواداچوونی بۆ كردووە، راشیگەیاند: ماتیۆ تۆلەر، باڵیۆزی ئەمریكا لەعیراق لەڕێگەی ڤیدیۆ كۆنفرانسەوە بەشداری لەدیدارەكەدا كردو باسی لەگرنگی پشتیوانی ئەمریكا كرد بۆ باشتركردنی دۆخی هاووڵاتیان لەشەنگال و ئاسانكاری بۆ گەڕانەوەی ئارەزوومەندانەی ئاوارە ئێزدییەكان بۆ سەر زێدی خۆیان و لێپرسینەوە لەهەموو ئەوانەی بەرپرسن لە ئەنجامدانی ئەو تاوانكارییەی كە دەرهەق بە ئێزدییەكان كران.

PUKmedia