گوندی كۆجۆ.. 104 روفاتی ئێزدییەكان بەخاك دەسپێردرێن

.

لە رێورەسمێكدا روفاتی 104 كەس لە قوربانیانی گوندی كۆجۆ لە زێدی خۆیان بەخاك دەسپێردرێن، نوێنەری حكومەتی وڵاتان و عیراق و هەرێم لە مەراسیمەكەدا بەشدار دەبن.

بڕیارە ئەمڕۆ شەممە 6-2-2021، لە رێوڕەسمێكدا روفاتی 104 كەس لە قوربانیانی ئێزدی دەستی داعش بەخاك بسپێردرێن و نوێنەری مستەفا كازمی سەرۆك وەزیرانی عیراق و نوێنەری نەتەوەیەكگرتوەكان و نوێنەرایەتی وڵاتان ئامادەیبن.

هاوكات بڕیارە لە رێورەسمەكەدا رێكخراوەكانی مافی مرۆڤ لە گوندی كۆجۆ و لەكاتی بە خاك سپاردنی روفاتەكاندا ئامادەبن. 

ساڵی 2014، لە هێرشی تیرۆرستانی داعشدا لە گوندی كۆجۆ زیاتر لە هەزار كەس لە دانیشتووانی گوندەكە لەلایەن ئەو رێكخراوە دەستگیركران و ژمارەیەكی زۆریشیان كۆمەڵكوژكران، بەڵام تا ئێستا روفاتی تەنها 246 كەسیان دۆزراونەتەوە و لەو رێژەیەش تەنها 104 كەسیان ناسراونەتەوە كە بڕیارە ئەمڕۆ لە گوندی كۆجۆ بەخاك بسپێردرێن. 

PUKmedia تایبەت