وەفدی حكومەتی هەرێم و رەوتی سەدر گفتوگۆكانی بودجە تاووتوێ دەكەن

.

وەفدی باڵای حكومەتی هەرێمی كوردستان بەسەرۆكایەتی قوباد تاڵەبانی لەگەڵ دەستەی سیاسی رەوتی سەدر بەسەرۆكایەتی نەسار ئەلڕوبەیعی لە بەغدا كۆبووەوەو پێكەوە تاو,توێی دوا پێشهاتی گفتوگۆكانی بودجەی 2021 ی عیراقیان كرد. 

لە كۆبوونەوەكەدا ئەمڕۆ 3 شوباتی 2021 بەڕێوەچوو، جەختكرایەوە لەسەر چارەسەركردنی كێشەكانی پەیوەست بە بودجەی 2021 و زاڵبوون بەسەریاندا لەڕێگەی دیالۆگ و بەگەڕانەوە بۆ یاساو دەستوور. 

وەفدی حكومەتی هەرێمی كوردستان، پابەندیی خۆیان بەچارەسەرە یاسایی و دەستوورییەكان دووپاتكردەوە و دیدگای خۆیان لەبارەی پرسەكانی ناو بودجەوە لەكۆبوونەوەكەدا خستەڕوو. 

لای خۆشییەوە، سەرۆكی دەستەی سیاسی رەوتی سەدر، جەختی لە دانانی چارەسەری ستراتیژی و درێژخایەن بۆ كێشەكانی نێوان هەردوو حكومەتی فیدراڵ و هەرێم كردەوە، باسی لەوەشكرد سەدرییەكان پشتیوانی لە پاراستنی مافەكانی هەموولا دەكەن لەسەر بنەمای دادگەری.

PUKmedia