لاهور شێخ جەنگی:ئەولەویەتی یەكێتی جێبەجێكردنی لامەركەزیی و دابینكردنی مووچەیە
ی.ن.ک 08:45 PM - 2021-02-01.
ئەمڕۆ 1ی2ی 2021 لاهور شێخ جەنگی هاوسەرۆكی یەكێتیی نیشتیمانیی كوردستان پێشوازیكرد لە سەرۆكی سەرجەم زانكۆ حكومی و تایبەتەكانی سنووری پارێزگای سلێمانی و هەڵەبجە و ئیدارەكانی گەرمیان و راپەرین.
لە دیدراێكدا كە هەریەك لە د.سۆران جەمال تاهیر و د.میران محەمەد ئەندامانی مەكتەبی سیاسیی یەكێتیی نیشتیمانیی كوردستان ئامادەیبوون گفتوگۆ كرا دەربارەی بارودۆخی سیاسی و ئابوری و پرسی گەشەپێدانی پرۆسەی خوێندن لە ناوەندە زانستی و ئەكادیمییەكان.
لاهور شێخ جەنگی سوپاسی سەرۆكی زانكۆكان و لەڕێگەی ئەوانیشەوە سوپاسی خۆڕاگریی سەرجەم مامۆستایان و فەرمانبەرانی كرد كە سەرباری بێ موچەیی و بەردەوامی قەیرانەكان، نەیانهێشتووە پڕۆسەی خوێندن پەكی بكەوێت و دڵسۆزانە بەردەوامبوون لەڕاپەڕاندنی ئەركەكانیان.
لاهور شێخ جەنگی پشتگیری و پشتیوانیی بۆ سەربەخۆیی زانكۆكان دووپاتكردەوەو نیگەرانی خۆی نیشاندا لە بەمەركەزیكردن و قۆرغكاریی لەڕێنمایی و بڕیارە زانستی و كارگێڕییەكانیان و رایگەیاند: لە چوارچێوەی جێبەجێكردنی سیستمی لامەركەزیی پێویستە بەشێك لە دەسەڵاتە دارایی و كارگێڕییەكان بۆ زانكۆكان شۆڕ بكرێتەوە لەپێناو ئاسانكردنی راپەڕاندنی كاروبارەكانیان و بەرزكردنەوەی ئاستی زانستی لەزانكۆكان و گرنگیدانی زیاتر بەتوێژینەوە زانستییەكان.
لە بەشێكی تری دیدارەكەدا لاهور شێخ جەنگی باسی لەو دۆخە هەستیارەی ئێستا كرد و جەختیكردەوە كە ئەولەویەتی یەكێتیی نیشتیمانیی كوردستان لە ئێستادا جێبەجێكردنی سیستمی لامەركەزییە لەسەرجەم پارێزگاكانی هەرێم لەگەڵ دابینكردنی مووچەی مووچەخۆران وەك دوو پرسی گرنگ و وتیشی لەو چوارچێوەیەشدا هەوڵ و هەنگاوەكانمان خستووەتەگەڕ.
دوپاتیشی كردەوە كە جێبەجێكردنی سیستمی لامەركەزیی دەبێتە مایەی سەقامگیریی ئابووری و سیاسی و هەر جۆرە دواكەوتنێكیش بۆ جێبەجێكردنی ئەو سیستمە دەبێتە هۆكاری ناسەقامگیری كە زەرەرمەندی یەكەم تیایدا هاووڵاتییانی هەرێمەكەمانە.
جەختیشی كردەوە كە گەرەنتی قوتی هاووڵاتییان و مووچەی مووچەخۆران بەندە بەڕێككەوتنی نێوان حكومەتی هەرێم و حكومەتی فیدراڵی و چارەسەركردنی كێشە هەڵپەسێردراوەكانی نێوانیان، لەگەڵ پشتگیریی بۆ تێپەڕاندنی ئەو بڕگەیەی كە تایبەیە بەپشكی بودجەی هەرێم لە پڕۆژەیاسای بودجەی گشتی بۆ ساڵی 2021 لە ئەنجوومەنی نوێنەرانی عیراق لە ئێستادا گفتوگۆی لەبارەوە دەكرێت.
سەرۆكی زانكۆ حكومی و تایبەتەكانیش سەرنج و بیروبۆچوونی خۆیان خستەڕوو، سوپاسی پشتگیریی و پشتیوانییەكانی هاوسەرۆكی یەكێتیی نیشتیمانیی كوردستانیان كرد و هاوڕابوون لەسەر كۆی پرسەكان و پشتیوانیی خۆیان بۆ جێبەجێكردنی سیستمی لامەركەزیی دوپات كردەوە.
PUKmedia
هەواڵی زیاتر
-
د. بڕیار رەشید: تەوتینی مووچە لەهەرێم بە ئاسانی دەکرێت
08:31 PM - 2024-04-18 -
كونسوڵی روسیا: یهكێتی هێزێكی كاریگهره
04:42 PM - 2024-04-18 -
وتەبێژی یەکێتی: حکومەت و پەرلەمانێکی کارامان دەوێت
02:20 PM - 2024-04-18 -
جهزای سهید مهجید وهك لێپرسراوی بەشی كارگێڕیی رێكخستن دهسبهكاربوو
01:21 PM - 2024-04-18
ئەمانەش ببینە
داهاتی هەفتەی رابردووی سلێمانی زیاتر لە 7 ملیار دینارە
09:09 AM - 2024-04-19
ئەنجومەنی سەرکردایەتی: پاراستن و بەهێزکردنی هەرێم تەنها بەهەڵبژاردن دەبێت
05:05 PM - 2024-04-18
سەرۆک بافڵ: یەکێتی ئامادەی هەڵبژاردنە
03:49 PM - 2024-04-18
کۆمسیۆن وادەی بانگەشەی هەڵبژاردن دیاریدەکات
10:29 AM - 2024-04-18
زۆرترین خوێنراو
-
پێشمەرگەی دێرین سەردار محەمەد بەسەردەکرێتەوە
ی ن ک 01:01 PM - 2024-04-19 -
پەرلەمانتارە غائیبەکان 160 ملیۆن دینار سزادران
عیراق 10:43 AM - 2024-04-19 -
داهاتی هەفتەی رابردووی سلێمانی زیاتر لە 7 ملیار دینارە
کوردستان 09:09 AM - 2024-04-19 -
د. بڕیار رەشید: تەوتینی مووچە لەهەرێم بە ئاسانی دەکرێت
کوردستان 08:31 PM - 2024-04-18 -
ئەنجومەنی سەرکردایەتی: پاراستن و بەهێزکردنی هەرێم تەنها بەهەڵبژاردن دەبێت
کوردستان 05:05 PM - 2024-04-18 -
كونسوڵی روسیا: یهكێتی هێزێكی كاریگهره
کوردستان 04:42 PM - 2024-04-18 -
سەرۆک بافڵ: یەکێتی ئامادەی هەڵبژاردنە
کوردستان 03:49 PM - 2024-04-18 -
وتەبێژی یەکێتی: حکومەت و پەرلەمانێکی کارامان دەوێت
کوردستان 02:20 PM - 2024-04-18